فوتو: اشىق دەرەككوز
ءجارىسسوز بارىسىندا پروكۋرور عاني الاشباەۆانىڭ تەلەفونىنان 2023 جىلدىڭ 16 تامىزىنداعى كەيبىر جازبالاردى وقىپ بەردى.
«37 ميلليون تەڭگە - ماشينا, 5 ميلليون تەڭگە - ءتىس ەمدەۋ, 10 ميلليون تەڭگە - تۋرتسياعا بارىپ ەمدەلىپ كەلۋ, 3 ميلليون تەڭگە باد الىپ ءىشۋ, 10 ميلليون تەڭگە - قىدىرۋ, 3 ميلليون تەڭگە - فەنشۋي, 1 ميلليون تەڭگە - بادزى وقۋ, 2 ميلليون تەڭگە - وفلاين بارۋ قىدىرۋ جانە سول ۋاقىتتا 3 ميلليون تەڭگەگە كيىم الۋ , 3 ميلليون تەڭگە بىلەزىك اق التىن بريلليانت», دەپ وقىپ بەردى پروكۋرور.
مەملەكەتتىك ايىپتاۋشىنىڭ ايتۋىنشا, پەريزات قايرات وزىنە جانە اناسىنا وسىنداي ءىرى كولەمدەگى شىعىندارعا مۇمكىندىك بەرگەن قارجىنىڭ شىعۋ كوزىن سەنىمدى تۇردە تۇسىندىرە الماعان.
«ول تەك استانا مەن بىرىككەن اراب امىرلىكتەرىندە پاتەر ساتۋ جانە ەت ونىمدەرىن وتكىزۋمەن بايلانىستى تابىس جايلى دالەلدەنبەگەن ۋاجدەر كەلتىردى. الايدا سوتقا ناقتى راستايتىن مالىمەتتەر ۇسىنىلمادى», دەدى پروكۋرور.
