رەسمي دەرەككە جۇگىنسەك, مال شارۋاشىلىعىن دامىتۋ ماقساتىندا 240 جوباعا نەسيە بەرىلسە, جىلىجاي كەشەندەرىن سالۋ ءۇشىن 33, باسقا باستامالاردى قولداۋ ءۇشىن 430 جوباعا نەسيە قاراستىرىلدى.
وسى جىلى باعدارلامانى ىسكە اسىرۋعا 5 ملرد تەڭگە قاراستىرىلعان. بۇل قارجى 25 اۋىل شارۋاشىلىعى كووپەراتيۆى مەن 450 جەكە كاسىپكەردى قولداۋعا باعىتتالىپ, 525 جاڭا جۇمىس ورنى قۇرىلماق.
جەرگىلىكتى اتقارۋشى بيلىك وكىلدەرىنىڭ ايتۋىنشا, ت. رىسقۇلوۆ اۋدانى قۇلان اۋىلىنىڭ تۇرعىنى مارات العاشبەك مەملەكەتتىك باعدارلاما اياسىندا 9 ملن 200 مىڭ تەڭگە كولەمىندە جەڭىلدەتىلگەن نەسيە الىپ, گازوبلوك شىعاراتىن وندىرىستىك تسەح اشتى. جوبا شەڭبەرىندە بىرنەشە جەرگىلىكتى تۇرعىن تۇراقتى جۇمىسپەن قامتىلىپ وتىر.
قازىرگى كەزدە كاسىپكەر ءوندىرىس كولەمىن ارتتىرۋعا دەن قويىپ وتىر. ول پلاستيك تەرەزە مەن ەسىك جاساۋ ءىسىن دە مىقتاپ قولعا العان. ايتۋىنشا, اۋىل تۇرعىندارى تاراپىنان سۇرانىس جوعارىلاعان.
رەسمي دەرەككە سەنسەك, ت.رىسقۇلوۆ اۋدانىندا «اۋىل اماناتى» جوباسى 5 اۋىلدىق وكرۋگتە جۇزەگە اسىرىلۋدا. جوبا اياسىندا 847 ازامات جەكە كاسىپكەر اتانىپ, 863 ادامدى جۇمىسپەن قامتىپ وتىر.
جامبىل وبلىسى
