زاۋىت ءباسپاسوز قىزمەتىنىڭ اقپاراتىنا سۇيەنسەك, 1945 جىلى پايدالانۋعا بەرىلگەن نىساننىڭ اۋماعى – 1 000 شارشى مەتر. ال جوبالىق كولەمى 6 233 تەكشە مەتردى قۇراعان.
«بىلتىر قازان ايىندا مۇنايتۇتقىش نىسانىن بوساتۋ جۇمىستارى باستالدى. سودان بەرى 7 100 توننا قالدىق شىعارىلدى. بيىل ءساۋىر ايىندا نىسان تولىقتاي جويىلدى. بۇل جوبا اتىراۋ مۇناي وڭدەۋ زاۋىتىنىڭ تۇراقتى دامۋ قاعيداتتارى اياسىندا قورشاعان ورتاعا ەكولوگيالىق اسەردى ازايتۋ, وندىرىستىك ينفراقۇرىلىمدى جاڭعىرتۋعا باعىتتالعان كەشەندى شارالاردىڭ ءبىرى رەتىندە قولعا الىندى», دەپ حابارلادى زاۋىتتىڭ ءباسپاسوز قىزمەتى.
الداعى ۋاقىتتا مۇنايتۇتقىش نىسانىنىڭ ورنىنا بۋفەرلىك سىيىمدىلىق پەن شاعىن كوندەنساتتىق ستانسا سالۋ جوسپارلانىپ وتىر. جاڭا نىسانداردا شتاتتان تىس جاعدايلار كەزىندە اعىندى سۋ جىبەرىلىپ, ۋاقىتشا ساقتالادى.
«زاۋىتتىڭ اۋماعىندا 2023 جىلى Tazalyq ەكولوگيالىق جوباسى اياسىندا جۇرگىزىلگەن مەحانيكالىق تازارتۋ قوندىرعىلارىن جاڭعىرتۋ كەزىندە 5 اشىق توعان جويىلعان ەدى. التىنشى باسسەين – اپاتتىق قامبانىڭ بەتى اسپالى قۇرىلعىمەن جابىلدى, دەپ مالىمدەدى زاۋىتتىڭ ءباسپاسوز قىزمەتىنەن.
