فوتو: سۋ رەسۋرستارى جانە يرريگاتسيا مينيسترلىگى
وسى ايدىڭ ءبىرىنشى ونكۇندىگىندە جاۋىن-شاشىننىڭ از ءتۇسۋى جانە قولايسىز اۋا رايىنا بايلانىستى فيليال كانالدار ارقىلى سۋدى كەزەكپەن بەرۋ تۋرالى شەشىم قابىلداعان. سونىمەن قاتار قاراتال اۋدانىنىڭ ديقاندارىن سۋمەن قامتاماسىز ەتۋ ءۇشىن كوكسۋ وزەنىنەن قوسىمشا سۋ جەتكىزىلگەن.
جەتىسۋ وبلىسىنداعى «قازسۋشار» رمك فيليالىنىڭ ديرەكتورى سايات قۇدايبەرگەنوۆتىڭ ايتۋىنشا بارلىق وندىرىستىك ۋچاسكەدە شارۋالاردىڭ سۇرانىسىنا سايكەس سۋ بەرىلەدى. ۆەگەتاتسيا قالىپتى رەجيمدە ءوتىپ جاتىر.
«تاۋلى مۇزدىقتاردان باستاۋ الاتىن وزەندەردىڭ دەڭگەيى جىل بويى جاۋعان جاۋىن-شاشىن مولشەرىنە جانە اۋا تەمپەراتۋراسىنا بايلانىستى. فيليال ماماندارى سۋارمالى سۋدىڭ ءادىل ءبولىنۋىن تۇراقتى باقىلاۋدا ۇستاپ وتىر. وڭىردە جاعداي تۇراقتى», دەدى س.قۇدايبەرگەنوۆ.
