بۇل مەديانى تۇتىنۋ قۇرىلىمىنىڭ وزگەرۋىنەن تۋىنداپ وتىر. ماسەلەن, 2023 جىلى قازاقستاننىڭ مەديا نارىعى رەكورد ورناتىپ, 132 ملرد تەڭگەگە جەتتى. ونىڭ ىشىندە digital-جارنامانىڭ ۇلەسى 66,8 ملرد تەڭگەنى قۇراپ, ءبىر جىل ىشىندە 24%-عا وسكەن.
اگەنتتىك دەرەگىنشە, تسيفرلىق جارناما نارىعى 2014 جىلدان بەرى ۇزدىكسىز ءوسىپ كەلەدى. سول جىلى ونىڭ كولەمى 9,7 ملرد تەڭگە بولسا, 2019 جىلى 19 ملرد تەڭگەگە جەتىپ, نارىقتا ەكىنشى ورىنعا شىققان. ال 2023 جىلى digital-جارناما العاش رەت تەلەۆيزيانى باسىپ وزىپ, 53,8 ملرد تەڭگەگە دەيىن ۇلعايدى.
قازاقستاندا ينتەرنەتتى كۇن سايىن قولداناتىن ازاماتتاردىڭ ۇلەسى 90%-عا جۋىق. ەلدەگى ينتەرنەت قولجەتىمدىلىگى وڭىرلەر اراسىندا دا جوعارى: الماتى مەن استانادا – 91%, وزگە وبلىستاردا – 80–93% شاماسىندا. ءتىپتى ۋربانيزاتسيا دەڭگەيى تومەن اقتوبە مەن قىزىلوردادا بۇل كورسەتكىش 60%-عا جەتىپ وتىر.
ينتەرنەت قولدانۋشىلاردىڭ ورتاشا جاسى 40-تار شاماسىندا, بۇل ولاردىڭ تولەم قابىلەتىن كورسەتەدى. ترافيكتىڭ باسىم بولىگى ءموبيلدى قۇرىلعىلارعا تيەسىلى (Android – 62%, iOS – 38%).
جارناما ءۇشىن ەڭ ءتيىمدى پلاتفورمالار – YouTube پەن Kaspi. ينتەرنەت قولدانۋشىلارىنىڭ 59%-ى Kaspi ارقىلى ساۋدا جاساسا, 45%-ى YouTube-تى بەلسەندى پايدالانادى. بۇل پلاتفورمالار برەند قاۋىپسىزدىگى مەن قامتۋ جاعىنان جوعارى ناتيجە بەرەدى.
اگەنتتىك ساراپشىلارىنىڭ ايتۋىنشا, كەيىنگى بەس جىلدا ونلاين ساۋدا كولەمى جەتى ەسە ارتىپ, 3,2 ترلن تەڭگەگە جەتكەن. الداعى بەس جىلدا قازاقستاندا ساتىلاتىن ءاربىر بەسىنشى تاۋار ونلاين فورماتتا وتكىزىلەدى دەپ بولجانىپ وتىر.
