TV2 تەلەارناسىنىڭ حابارلاۋىنشا, ەلدەگى كۇردەلى ساياسي ءارى اسكەري جاعداي مۇنداي ءىرى تۋرنيرگە دايىندالۋعا مۇمكىندىك بەرمەي وتىر.
«كوشباسشىمىزدىڭ قازاسىنان جانە ەلگە قارسى جاسالعان ارەكەتتەردەن سوڭ الەم چەمپيوناتىنا قاتىسۋعا مۇمكىندىگىمىز جوق. سوڭعى سەگىز-توعىز اي ىشىندە يرانعا قارسى ەكى رەت سوعىس اشىلىپ, سالدارىنان مىڭداعان ازاماتىمىز قازا تاپتى. وسى جايتتاردان سوڭ ءبىز الەم چەمپيوناتىنا قاتىسا المايمىز», دەدى دونيامالي.
فۋتبولدان 2026 جىلعى الەم چەمپيوناتى 11 ماۋسىم مەن 19 شىلدە ارالىعىندا اقش, كانادا جانە مەكسيكادا وتەدى.
ەستەرىڭىزگە سالا كەتەيىك, 28 اقپاندا اقش پەن يزرايل يرانعا اۋە شابۋىلدارىن جاساعان, ال يسلام رەسپۋبليكاسى جاۋاپ رەتىندە يزرايلگە, پارسى شىعاناعى ەلدەرىنە جانە جاقىن ماڭداعى باسقا مەملەكەتتەرگە زىمىراندار مەن ۇشقىشسىز اپپاراتاردى باعىتتاعان.
