زاۋىتتىڭ ءباسپاسوز قىزمەتىنەن ءمالىم ەتكەندەي, تەحنولوگيالىق ءىس-شارا كەزىندە پەشتىڭ ونىمدىك يرەكتۇتىگى بۋمەن جاعىپ تازارتىلادى.
«بۇل پروتسەدۋرا قازاقستان رەسەپۋبليكاسىنىڭ ست 3517-2020 ۇلتتىق ستاندارتى تالاپتارىنا سايكەس قۇبىرلاردىڭ ىشكى بولىكتەرىن كوكس شوگىندىلەرىنەن رەگلامەنتتىك تازارتۋ اياسىندا جۇزەگە اسىرىلادى. ەنەرگەتيكا مينيسترلىگى جىل سايىن بەكىتەتىن مۇناي وڭدەۋ زاۋىتتارىنداعى جوسپارلى الدىن الۋ جۇمىستارىنىڭ كەستەسىنە ەنگىزىلەدى. باياۋ كوكستەۋ قوندىرعىسىنداعى جوسپارلى جۇمىستار ءاموز-ءدىڭ ناۋرىز ايىندا جەڭىل مۇناي ونىمدەرىن ءوندىرۋ جوسپارىن ورىنداۋعا اسەر ەتپەيدى. وسى كەزەڭدە زاۋىت تاۋلىگىنە 3,5 مىڭ توننا بەنزين, 4,5 مىڭ توننا ديزەل وتىنى مەن 0,6 مىڭ توننا اۆياوتىن ءوندىرۋدى جالعاستىرادى», دەپ حابارلادى زاۋىتتىڭ ءباسپاسوز قىزمەتى.
ەسكە سالا كەتەلىك, بۇعان دەيىن اتىراۋ ەكولوگتەرى مۇناي وڭدەۋ زاۋىتىن ءالى تەكسەرىپ جاتقانىن جازعان ەدىك.
