ونىڭ ايتۋىنشا, جاڭا كونستيتۋتسيا – ۇزاق مەرزىمدى جوبا, ونى جۇزەگە اسىرۋ مىندەتى ءدال قازىرگى ستۋدەنتتەر مەن جاس مامانداردىڭ ەنشىسىندە.
«اتا زاڭ قازاقستاندىق جاستار ءۇشىن وتە ماڭىزدى. ويتكەنى الداعى ۋاقىتتا جاس ۇرپاق ءوز ءومىرىن جاڭا كونستيتۋتسيا ايقىنداپ بەرگەن قاعيداتتار اياسىندا قۇراتىن بولادى», دەدى ول.
سونداي-اق, ساراپشى ازاماتتارعا قۇقىقتىق ارتىقشىلىقتار بەرەتىن قازاقستاندىق رەفورمالاردىڭ پروگرەسسيۆتى سيپاتىنا توقتالدى.
«جاڭا كونستيتۋتسيا ءبىلىم بەرۋ, عىلىمدى دامىتۋ جانە ازاماتتىق قۇقىقتاردى جۇزەگە اسىرۋ سالالارىندا وتە كوپ مۇمكىندىك پەن كەپىلدىك بەرەءتىنىن ءتۇسىنۋ قاجەت», دەءدى ءوز سوزىندە عازيز ابىشەۆ.
ساياسي شولۋشىنىڭ ايتۋىنشا, بۇل جاعداي وتكەن كەزەڭدەرگە مۇلدە ۇقسامايدى. ول كەزدەگى كونستيتۋتسيالىق رەفورمالارعا حالىقايتارلىقتاي كەڭ قاتىسقان جوق, ال شەشىم كوبىنە بيلىكتىڭ جوعارى ەشەلوندارىندا عانا قابىلدانىپ جاتتى.
«2007 جانە 2016 جىلدارى اۋقىمدى تۇزەتۋلەر ماسەلەسى پارلامەنت قابىرعاسىندا شەشىلەتىن. دەپۋتاتتار جينالىپ, وزگەرىستەردى قابىلداي بەرەتىن ەدى. ال حالىق كونستيتۋتسيانىڭ وزگەرگەنىن ءتىپتى بايقاماي دا قالاتىن. بۇگىن, 2026 جىلى, ازاماتتارعا سايلاۋ ۋچاسكەلەرىنە كەلىپ, سول بيۋللەتەندەردى ءوز قولىمەن ۇستاپ كورۋ ۇسىنىلىپ وتىر», دەدى ول.
سونىمەن قاتار, عازيز ابىشەۆ جاڭا اتا زاڭ جوباسى جوعارىدان تۇسكەن پارمەن ارقىلى جاسالعان ديرەكتيۆا ەمەس, قوعامدىق ديالوگتىڭ ناتيجەسى ەكەنىنە ەرەكشە ءمان بەردى. ول قۇجاتقا ەنگىزىلگەن كوپتەگەن تۇزەتۋلەر كەڭ قوعامدىق تالقىلاۋلار مەن ازاماتتاردىڭ ۇسىنىستارى نەگىزىندە قابىلدانعانىنا دا ەرەكشە نازار اۋداردى.
ءسوز سوڭىندا ساياسي شولۋشى جاستاردى تەك بەلسەندىلىك تانىتىپ قانا قويماي, تىكەلەي ءوز ەركىن ءبىلدىرۋ ارقىلى ەل تاعدىرىنا جاۋاپكەرشىلىك الۋعا شاقىردى.
«جاستار قازىردىڭ وزىندە ەلدى باسقارۋدى ۇيرەنۋى كەرەك, مەملەكەتتىڭ تاعدىرىن ءوز قولىنا الىپ, وسى رەفەرەندۋمعا قاتىسۋى قاجەت. جانە وزدەرى ەڭ دۇرىس دەپ سانايتىن شەشىمدى قابىلداۋى ءتيىس», دەپ تۇيىندەدى ول.
