فوتو: اشىق دەرەككوز
قۇجاتقا سايكەس, ۇشاق جەردەگى بىرنەشە عيماراتپەن سوقتىعىسىپ, سونىڭ سالدارىنان ورتەنىپ كەتكەن جانە تولىقتاي جويىلعان. اپات سالدارىنان بەس عيمارات وتقا ورانىپ, ايتارلىقتاي قۇرىلىمدىق زاقىمعا ۇشىراعان.
AAIB مالىمەتتەرى بويىنشا, ۇشاقتان ەكى بورتتىق تىركەۋشى قۇرىلعى (قارا جاشىك) تابىلعان. ولاردىڭ بىرەۋى اپاتتان ءۇش كۇننەن سوڭ ورتەنگەن كۇيىندە تابىلسا, ەكىنشىسى قۇلاعان عيماراتتىڭ ماڭىنان تابىلعان. ەكى قۇرىلعىدا دا سوققى مەن جوعارى تەمپەراتۋرانىڭ ىزدەرى بايقالعان. جازبالاردا سوڭعى التى رەيس بويىنشا شامامەن 49 ساعاتتىق دەرەك, سونىڭ ىشىندە اپاتقا ۇشىراعان رەيس تە تىركەلگەن.
اۋديوجازباداعى ديالوگتان ەكيپاج مۇشەلەرى اراسىندا وتىنمەن بايلانىستى توسىن جاعداي تۋىنداعانى بەلگىلى بولعان. ءبىر ۇشقىش وتىندى وشىرگەنى ءۇشىن ارىپتەسىنەن سۇراسا, ەكىنشى ۇشقىش مۇنداي ارەكەت جاساماعانىن, جاعدايدىڭ كۇتپەگەن جەردەن بولعانىن ايتقان.
الدىن الا نۇسقا بويىنشا, اپاتقا قوزعالتقىشتارعا وتىن بەرۋدىڭ كەنەتتەن توقتاۋى سەبەپ بولۋى مۇمكىن. بۇل جاعداي ۇشاق ساعاتىنا 333 كم (180 توراپ) جىلدامدىقپەن قوزعالىپ كەلە جاتقان كەزدە ورىن العان. وسى ساتتەن باستاپ ەكى قوزعالتقىشتىڭ دا قۋاتى تومەندەي باستاعان.
AAIB ۇشاقتىڭ ۇشۋ سالماعى رۇقسات ەتىلگەن شەكتە بولعانىن جانە بورتتا قاۋىپتى جۇكتەر تىركەلمەگەنىن حابارلادى.
تەرگەۋ جالعاسىپ جاتىر.
