تەرگەۋ بارىسىندا اۋرۋحانانىڭ باس ەسەپشىسى مەديتسينالىق كەرەۋەتتەردىڭ ساتىپ الۋ باعاسىن ءۇش ەسەگە كوتەرۋ ارقىلى مەملەكەت قارجىسىن جىمقىرعانى بەلگىلى بولدى. جوعارى باعانى كوزدەگەن ول جۇبايى دايىنداعان جالعان باعا ۇسىنىستارىن قولدانىپتى. وتكىزىلگەن تەندەردىڭ ناتيجەسىندە سەرىكتەستىك پەن اۋرۋحانا اراسىندا جالپى قۇنى 259 ملن تەڭگەگە 220 مەديتسينالىق كەرەۋەت ساتىپ الۋعا شارت جاسالعان. شارتتا ءبىر كەرەۋەتتىڭ باعاسى 1,2 ميلليون تەڭگە دەپ كورسەتىلگەن. بىراق شىن مانىندە ونىڭ ناقتى ساتىپ الۋ باعاسى 460 مىڭ تەڭگەدەن اسپاعان, ياعني كورسەتىلگەن باعادان ءۇش ەسە ارزان بولعان. وسىلايشا نەگىزسىز قوسىلعان شىعىن كولەمى 129 ملن تەڭگە بولدى.
تەرگەۋ بارىسىندا كۇدىكتىلەردىڭ 111 ملن تەڭگە تۇراتىن مۇلكىنە تىيىم سالىنىپ, مەملەكەتكە كەلتىرىلگەن 129 ملن تەڭگە كولەمىندەگى زالال تولىق كولەمدە وتەلدى.
باس ەسەپشى 2 اي مەرزىمگە قاماۋعا الىندى. قىلمىستىق ءىس سوتقا جولداندى.
