فوتو: اشىق دەرەككوز
ءبىلىم گرانتى كەلەسىدەي باعدارلامالاردى قامتيدى:
- باكالاۆريات – 70 ورىن;
- ماگيستراتۋرا – 20 ورىن;
- ۇزدىكسىز ينتەگراتسيالانعان مەديتسينالىق ءبىلىم بەرۋ – 10 ورىن.
وقۋ تاجىك نەمەسە ورىس تىلىندە جۇرگىزىلەدى. گرانت اياسىندا تالاپكەرلەرگە تەگىن وقۋ, اي سايىنعى ستيپەنديا, سونداي-اق مەديتسينالىق قىزمەت كورسەتۋ قاراستىرىلعان. الايدا, جول ءجۇرۋ جانە تۇرۋ شىعىندارى ستۋدەنتتىڭ جەكە ەسەبىنەن تولەنەدى.
ايتا كەتەيىك, 2025 جىلعى 10 شىلدە مەن 5 تامىز ارالىعى قۇجاتتار قابىلدانادى. ىرىكتەۋ دەربەس اڭگىمەلەسۋ ارقىلى جۇرگىزىلەدى.
ءبىلىم الۋ مۇمكىندىگىنە يە بولۋدا مىنا ساناتتاعى ۇمىتكەرلەرگە باسىمدىق بەرىلەدى:
- جەتىم بالالار مەن اتا-اناسىنىڭ قامقورلىعىنسىز قالعاندار;
- بالا كەزىنەن مۇگەدەكتەر مەن مۇگەدەك بالالار;
- كوپ بالالى وتباسىنان شىققان بالالار;
- سوڭعى ەكى جىل اۋىلدىق ەلدى مەكەندە تۇراقتى تۇرعان ۇمىتكەرلەر;
- شەتەلدىك جوو-نان رەسمي شاقىرۋى بار تالاپكەرلەر.
قورىتىندى ىرىكتەۋدى تاجىكستان تاراپى وتكىزەدى. جوعارى وقۋ ورىندارى مەن ماماندىقتاردىڭ تولىق ءتىزىمى ارنايى رەسۋرستا قولجەتىمدى.
