فوتو: اشىق دەرەككوز
سەۋلدىڭ ورتالىق وكرۋگتىك سوتى ارنايى پروكۋرور چو ىن سوكتىڭ ءوتىنىشى نەگىزىندە ەكس-پرەزيدەنتتى تۇتقىنداۋعا رۇقسات بەرگەن. سوت شەشىمىندە يۋن سوك ءيولدىڭ دالەلدەردى جويۋى مۇمكىن ەكەنى كورسەتىلگەن.
ارنايى پروكۋرور باسقاراتىن تەرگەۋ توبى بۇرىنعى مەملەكەت باسشىسىنا بەس نەگىزگى ايىپ تاعىپ وتىر. ونىڭ ىشىندە 3 جەلتوقساندا جاريالانعان اسكەري جاعداي الدىنداعى كەڭەسكە مينيسترلەر كابينەتى مۇشەلەرىنىڭ تەك ءبىر بولىگىن شاقىرۋ ارقىلى ولاردىڭ قۇقىقتارىن شەكتەۋ ارەكەتى دە بار.
يۋن سوك يول مەن ونىڭ قورعاۋشىلارى سوت تىڭداۋىنا قاتىسىپ, بارلىق ايىپتاۋلاردى جوققا شىعارعان. تىڭداۋدان كەيىن ول تەرگەۋ يزولياتورىنا جەتكىزىلگەن.
ايتا كەتەيىك, بۇل يۋن سوك ءيولدىڭ ەكىنشى رەت قاماۋعا الىنۋى. العاش رەت ول قاڭتار ايىندا, پرەزيدەنتتىك وكىلەتتىگى اياقتالماعان كەزدە تۇتقىندالعان بولاتىن. الايدا ناۋرىز ايىندا سوت شەشىمىمەن بوساتىلعان ەدى.
