فوتو: ەرلان ومار
تەرگەۋ ماتەريالدارىنا سايكەس, كونتسەرتتىك جابدىقتاردى ساتىپ الۋعا بولىنگەن 320 ميلليون تەڭگە كولەمىندەگى بيۋدجەت قاراجاتىنىڭ ءبىر بولىگى زاڭسىز يەمدەلگەن. كولونكالار, سابۆۋفەرلەر, ساحنالىق قۇرىلىمدار, دىبىس كۇشەيتكىشتەر جانە باسقا دا تەحنيكالىق قۇرال-جابدىقتار الۋ جوسپارلانعانىمەن, ساتىپ الۋ راسىمدەرى زاڭ بۇزۋشىلىقتارمەن جۇرگىزىلگەن.
«الايدا ساتىپ الۋ تالاپتارىن بۇزا وتىرىپ, لوتتاردى قولدان بولشەكتەۋ ارقىلى 20-دان استام اتاۋ بويىنشا ساتىپ الۋ ەلەكتروندى دۇكەن ارقىلى جۇرگىزىلگەن. ەلەكتروندى ساۋدا الاڭى ارقىلى جابدىقتى ناقتى جەتكىزبەگەن جالعان جەكە كاسىپكەرلەرمەن كەلىسىمشارتتار جاسالىپ, قاراجات قولما-قول اقشاعا اينالدىرىلعان», دەلىنگەن حابارلامادا.
بۇعان قوسا, تەرگەۋ بارىسىندا كۇدىكتىلەردىڭ ءبىرى قىلمىستىق جولمەن الىنعان تابىستى جاسىرۋ ماقساتىندا جالپى سوماسى 48 ميلليون تەڭگەگە اۆتوكولىك پەن پاتەر ساتىپ الىپ, ولاردى سەنىمدى ادامداردىڭ اتىنا راسىمدەگەنى انىقتالعان.
سوت سانكتسياسىمەن اتالعان م ۇلىككە تىيىم سالىنىپ, كۇدىكتىلەر قاماۋعا الىنعان.
