فوتو: freepik
«8 شىلدەدە ساعات 14:30-دا جەر سىلكىنىسى تىركەلدى, ونىڭ تەربەلىسى جامبىل وبلىسىنىڭ بىرقاتار ەلدى مەكەنىندە سەزىلدى. زارداپ شەككەندەر جوق.
الدىن الا مالىمەت بويىنشا ت. رىسقۇلوۆ اۋدانىنداعى قۇلان اۋىلىندا ءبىر جەكە تۇرعىن ءۇيدىڭ (1970 جىلى سامان كىرپىشتەن سالىنعان), سونداي-اق اۋداندىق مۇراعات عيماراتىنىڭ (1934 جىلى سالىنعان) سىرتقى قابىرعالارى مەن توبەسىنە شامالى زاقىم كەلگەن. اباي اۋىلدىق وكرۋگىندە تاعى ءبىر جەكە تۇرعىن ءۇي (1979 جىلى سامان كىرپىشتەن تۇرعىزىلعان) ازداپ زارداپ شەكتى.
مەركى جانە ت.رىسقۇلوۆ اۋداندارىندا جەدەل شتاب قۇرىلدى. كوممۋنالدىق نىساندار قالىپتى رەجيمدە جۇمىس ىستەپ تۇر. الەۋمەتتىك نىساندار زارداپ شەككەن جوق. ينفراقۇرىلىم نىساندارىنا زاقىم كەلگەنى تۋرالى دەرەك تىركەلمەدى.
ارنايى كوميسسيالار وقيعا ورىندارىندا جۇمىس جۇرگىزىپ جاتىر, نىسانداردى قاراپ, ولاردىڭ جاعدايىنا باعا بەرىلۋدە», دەلىنگەن ءوڭىر باسشىسىنىڭ جازباسىندا.
