فوتو: ۆيدەودان الىنعان كادر
قىلمىستىق وقيعا 2012 جىلدىڭ 25 ناۋرىزىندا تەمىرتاۋ قالاسىندا بولعان. تەرگەۋ مالىمەتىنە سايكەس, كۇدىكتى بۇزاقىلىق نيەتپەن جابىرلەنۋشىگە ەش سەبەپسىز بىرنەشە مارتە دەنە جاراقاتىن سالعان. سالدارىنان جابىرلەنۋشىنىڭ جاق سۇيەگى ەكى جەردەن سىنعان.
وسى قىلمىستان كەيىن كۇدىكتى ەل اۋماعىنان بوي تاسالاپ, حالىقارالىق ىزدەۋگە جاريالانعان. ىزدەستىرۋ شارالارى ناتيجەسىندە ونىڭ بىرىككەن اراب امىرلىكتەرىندە جۇرگەنى انىقتالعان.
باس پروكۋراتۋرا مەن ىشكى ىستەر مينيسترلىگىنىڭ قىزمەتكەرلەرى قازاقستاننىڭ دۋباي قالاسىنداعى ەلشىلىگىنىڭ قولداۋىمەن كۇدىكتىنى ەلگە قايتارۋ جۇمىستارىن ۇيلەستىردى.
«قازىرگى ۋاقىتتا كۇدىكتى قىلمىستىق جاۋاپتىلىققا تارتۋ ءۇشىن قازاقستان پوليتسياسىنا تاپسىرىلدى», دەلىنگەن حابارلامادا.
