بۇعان دەيىنگى ەسكى جەلىلەر جۇكتەمەنى كوتەرە الماي, ءجيى وشۋلەر ورىن الاتىن. ماسەلەنى شەشۋ ءۇشىن بەسكولدەن اقشيگە دەيىن 56 شاقىرىمعا سوزىلعان 110 كۆت ەلەكتر جەلىسى تارتىلىپ, 32 مۆت قۋات شىعاراتىن جاڭا ستانتسيا سالىندى. قاجەتتىلىك ازىرگە 10 مۆت شاماسىندا, ياعني جوبا بولاشاقتى دا قامتيدى.
كاسىپكەرلەردىڭ ايتۋىنشا, بۇل جاڭالىق دەمالۋشىلارعا ىڭعايلى جاعداي جاساۋعا مۇمكىندىك بەردى. كونديتسيونەر, بويلەر سياقتى قۇرىلعىلاردى كەدەرگىسىز پايدالانۋعا بولادى.
سونداي-اق, اقشي اۋىلىندا كارىز جۇيەسى تولىقتاي جاڭارتىلىپ, 69,7 شاقىرىم جەلى تارتىلعان. قازىر تازارتۋ قۇرىلعىسىنىڭ قۇرىلىسى ءجۇرىپ جاتىر. نىسان 2026 جىلى اياقتالادى دەپ جوسپارلانعان. تازارتىلعان سۋ كوگالداندىرۋعا جۇمسالماق.
ينتەرنەت ساپاسى دا جاقسارىپ كەلەدى. جاعالاۋدا 16 بازالىق ستانتسيا جۇمىس ىستەيدى, وپتيكالىق جەلى تارتىلىپ, تۋريستىك نىساندار كەزەڭ-كەزەڭىمەن قوسىلىپ جاتىر.
