جاڭا مەكتەپ زامان تالابىنا ساي جوبالانعان. وندا حيميا جانە روبوتوتەحنيكا كابينەتتەرى, كىتاپحانا, ليفت, اسحانا, ينكليۋزيۆتى ورتا, پاندۋستار مەن تاكتيلدى جولاقتار قاراستىرىلعان. مەردىگەرلەردىڭ ايتۋىنشا, مەكتەپ عيماراتى جاڭا وقۋ جىلى باستالعانعا دەيىن تولىقتاي پايدالانۋعا بەرىلەدى. مەكتەپ ىسكە قوسىلعان سوڭ وسكەمەن قالاسىنداعى قارقىندى دامىپ كەلە جاتقان اۋدانداردىڭ ءبىرى – جىبەك ماتالارى كومبيناتى شاعىناۋدانىندا ورنالاسقان مەكتەپتىڭ جۇكتەمەسى ەداۋىر ازايادى دەپ جوسپارلانىپ وتىر.
بۇگىندە شىعىس قازاقستان وبلىسىندا بەس جاڭا ءبىلىم بەرۋ مەكەمەسى پايدالانۋعا بەرىلدى. ولار شەمونايحا, ريددەر, وسكەمەن قالالارىندا جانە گلۋبوكوە اۋدانىنا قاراستى بەلوۋسوۆكا اۋىلىندا ورنالاسقان. سونىڭ ىشىندە شەمونايحا اۋدانىنداعى شاكارىم اتىنداعى №4 جانە ريددەر قالاسىنداعى №12 جالپى ءبىلىم بەرەتىن مەكتەپتەردىڭ وقۋشىلارى ەسكى, توزىعى جەتكەن عيماراتتاردىڭ ورنىنا سالىنعان زاماناۋي مەكتەپتەردىڭ تابالدىرىعىن العاش اتتادى. بۇل – «AMANAT» پارتياسىنىڭ وڭىردە ءۇش اۋىسىمدى جانە اپاتتى مەكتەپتەردى جويۋ, كادر جەتىسپەۋشىلىگىن ازايتۋ جانە ينفراقۇرىلىمدى جاڭارتۋ جولىنداعى جۇمىسىنىڭ ايقىن كورىنىسى.
ەرلان سايروۆ قازىرگى تاڭدا مەكتەپ تۋرالى ايتقاندا «پەداگوگ مارتەبەسى تۋرالى» زاڭدى ەسكەرمەۋ مۇمكىن ەمەس ەكەندىگىنە نازار اۋداردى.
«وسكەمەندە زاماناۋي مەكتەپ سالىنىپ جاتىر. بىراق مۇنداي ءبىلىم ورداسىندا ىنتاسى بار, بىلىكتى مۇعالىمدەر جۇمىس ىستەمەسە, ونىڭ ەش پايداسى جوق. «پەداگوگ مارتەبەسى تۋرالى» زاڭنىڭ ارقاسىندا ءبىز سوڭعى جىلدارى تەك جالاقىنى كوتەرىپ قانا قويعان جوقپىز, سونىمەن قاتار جاقسى مۇعالىمدەردى مەكتەپكە تارتۋعا جانە ولاردى دامىتۋعا جاعداي جاسادىق. بۇل – ساپالى ءبىلىم بەرۋدىڭ بەرىك ىرگەتاسى», دەدى دەپۋتات.
مۇعالىم تاپشىلىعى اسىرەسە اۋىلدىق جەرلەردە ءالى دە شەشىلمەگەن ماسەلە. دەگەنمەن, پەداگوگ مارتەبەسىن كوتەرۋگە باعىتتالعان زاڭنامانىڭ بىرتىندەپ جۇزەگە اسىرىلۋى العاشقى ناتيجەسىن بەرە باستادى. مۇعالىمدەردىڭ جالاقىسى ەكى ەسەدەن اسا ءوستى, بىلىكتىلىك, عىلىمي دارەجە جانە تالىمگەرلىك ءۇشىن قوسىمشا ۇستەماقىلار قوسىلدى, قاعازباستىلىق ەداۋىر ازايدى. مۇنىڭ بارلىعى ۇستاز ماماندىعىنىڭ مارتەبەسىن ارتتىرا تۇسەدى.
