اۋدان اكىمدىگىنىڭ مالىمەتىنە سۇيەنسەك, جوبانىڭ باسىم بولىگىن قۇلسارى قالاسىندا ىسكە اسىرۋ جوسپارلانعان.
«بيىل قۇلسارى قالاسىندا جولداردى قايتا جاڭعىرتۋدىڭ ءتورتىنشى كەزەڭى باستالدى. بۇل جوبادا 75,2 شاقىرىم جول جاڭعىرتىلادى. سۋ تارازارتۋ جانە كوتەرگىش سورعى ستانسالارىن سالۋ جوسپارلانىپ وتىر. مونوقالانىڭ ءار بولىگىندە جاياۋ جۇرگىنشىلەرگە ارنالعان تروتۋار مەن ۆەلوجول سالىنادى» دەپ حابارلادى اكىمدىكتىڭ ءباسپاسوز قىزمەتى.
مونوقالاداعى «بارلاۋشى» شاعىن اۋدانىندا دەنە شىنىقتىرۋ-ساۋىقتىرۋ كەشەنىن, ولەكسەلەر مولاسىن سالۋ كوزدەلگەن. سونداي-اق, ي.تايمانوۆ كوشەسىندەگى 25 مەترلىك, ۇ.ءابدراحمانوۆ كوشەسىندە 29,4 مەتر كولىك كوپىرىنە كۇردەلى جوندەۋ جۇرگىزىلەدى.
سونداي-اق, اقكيىزتوعاي تاريحي مەكەنىنە دەيىنگى 34,8 شاقىرىم جول جاڭعىرتىلادى. بۇل – بەكەت اتانىڭ كىندىك قانى تامعان مەكەن. مۇندا ونىڭ اتاسى جانالى, اكەسى مىرزاعۇل مەن اناسى ءجانيا, ۇلى توعاي ماڭگىلىك تىنىستاعان.
