ۆەتنام ەلىنە جول تارتقان بيدايدىڭ جالپى سالماعى 1,7 مىڭ توننانى قۇرايتىن 62 كونتەينەردەن قۇرالعان. كونتەينەرلەر تەڭىز كەمەلەرىنە تيەلگەننەن كەيىن, بيداي ۆەتنامنىڭ حايفون پورتىنا جەتكىزىلەدى. قازاق استىعىنىڭ ۆەتنامعا ءساتتى جونەلتىلگەنى تۋرالى قىتايدىڭ ورتالىق تەلەارناسى مەن قىتاي حالىقارالىق تەلەجەلىسىندە كورسەتىلدى.
ليانيۋنگان پورتىنداعى لوگيستيكالىق بازا ء«بىر كونتەينەر – ءبىر سەرۆيس» قاعيداسىمەن جۇمىس ىستەيدى. بۇل مودەل بويىنشا جۇكتىڭ باستاپقى نۇكتەدەن سوڭعى مەجەگە دەيىن قايتا تيەۋسىز ءبىر كونتەينەردە جەتكىزىلۋى قامتاماسىز ەتىلەدى. وسى تەحنولوگيانىڭ ارقاسىندا تەمىرجولدان تەڭىز پورتىنا ءوتۋ ۋاقىتى نەبارى ءبىر ساعاتقا سوزىلدى. سونىمەن قاتار, قازاقستاندىق بيداي بارلىق راسىمدەر جەدەل تۇردە جۇرگىزىلەتىن «جاسىل ءدالىز» ارقىلى جۇرەدى.
«باستاپقى نۇكتەدەن سوڭعى مەجەگە دەيىن ءبىر كونتەينەردە جەتكىزۋ» فورماتى وڭتۇستىك-شىعىس ازياعا باعىتتالعان قازاقستاندىق ەكسپورتقا ساپالى ءارى ءتيىمدى قۇرلىقتىق-تەڭىزدىك ينتەرمودالدى قىزمەت كورسەتۋدى قامتاماسىز ەتتى. بۇدان بولەك, قىتاي ەلىنىڭ لوگيستيكالىق بازاسى كەدەن, پورت, تەمىرجول مەن باسقا دا ۆەدومستۆولاردىڭ قولداۋىنا يە بولدى. ناتيجەسىندە پورتتاعى جۇكتىڭ راسىمدەلۋ تيىمدىلىگى 70%-عا ارتقان.
انىعى, العاشقى بيداي پارتياسى اقمولا وبلىسىنداعى استىق قابىلداۋ كاسىپورىندارىندا دايىندالعان. جالپى, ۆەتنامعا شامامەن 15 مىڭ توننا ازىقتىق بيداي جونەلتىلەدى دەپ جوسپارلانىپ وتىر. «ازىق-ت ۇلىك كەلىسىمشارت كورپوراتسياسى» ۇك» اق باسقارما توراعاسى اسىلحان جۇنىشەۆتىڭ ايتۋىنشا, جاڭا لوگيستيكالىق باعىتتار وتاندىق اگرارشىلار ءۇشىن الىس شەتەل نارىقتارىنا شىعۋعا جول اشىپ وتىر.
«قىتايلىق ارىپتەستەرمەن بىرلەسىپ قۇرىلعان ينفراقۇرىلىم بۇگىندە ناقتى ناتيجەسىن كورسەتۋدە – بۇل تۇراقتى ءارى جەدەل جەتكىزىلىم. بۇل – ەلىمىزدىڭ ەكسپورتتىق الەۋەتىن دامىتۋداعى ماڭىزدى قادام», دەدى كورپوراتسيا باسشىسى.
جىل باسىنان بەرى «ازىق-ت ۇلىك كەلىسىمشارت كورپوراتسياسى» ەكسپورتقا 196 مىڭ توننا استىق جونەلتتى. ەڭ ءىرى پارتيالار سولتۇستىك افريكا, وڭتۇستىك-شىعىس ازيا جانە يران نارىقتارىنا جىبەرىلدى.
