اباي شاي ىشكەن كەسە

ابايدىڭ 1885 جىلى ولكەتانۋ مۋزەيىنە ءوز قولىمەن تاپسىرعان زاتتارىنىڭ ءبىرى – قىتاي كەسەسى. اقشىل كوگىلدىر ءتۇستى كەسە سىرتىنا كوك ءتۇستى ويۋ-ورنەك سالىنعان. كەسە جاسالعان فارفوردىڭ ساپاسى اسا جوعارى ەمەس, ونى فار­فوردىڭ قالىڭدىعىنان انىق­تاۋعا بولادى جانە كەسەنىڭ ىشكى جاعىندا قارا داقتار بار. 1940 جىلى سەمەي قالاسىندا اباي مۋزەيىن اشۋ تۋرالى ارنايى قاۋلى شىققاننان باستاپ مۋزەي قورىنا ۇلى اقىنعا قاتىستى ەكسپوناتتار جيناۋ جۇمىسى ءجۇرىپتى. اقىننىڭ تۋىستارى جانە ۇرپاقتارى قولدانعان زاتتار اباي مۋزەيىنە تۇسەدى. كو­نە­نىڭ كوزىندەي بولعان قۇندى جادىگەر قازىر «جي­دەباي-ءبورىلى» مەم­لەكەتتىك تاري­حي-مادەني جانە ادەبي-مەمو­ريال­دىق مۋزەيىندە تۇر.

«اباي زامانىندا فارفور ىدىستار كورشىلەس قىتاي, رەسەي ەلدەرىنەن كەلەتىن قۇندى زات رە­تىندە باعالانىپتى. ولاردى ارنايى اعاش قابىعىنان توقىل­عان نە بولماسا تەرىدەن جاسال­عان شىنى­ياققاپتارعا سالىپ ساق­تا­عان. قىم­باتقا تۇسكەن فارفور, فايانس ىدىستارىنىڭ شەتتەرى سىنسا دا تاس­تاماي, ولاردى قۇرساۋلاپ جون­دەپ الۋدى قازاق شەبەرلەرى وتە جاق­سى مەڭ­گەرگەن», دەيدى مۋزەي ديرەكتورى ۇلان ساعاديەۆ.

بۇل جادىگەرلەرگە قاتىستى 1963 جىلى «ەرتىس» گازەتىنىڭ 8 قىر­كۇيەكتەگى سانىندا اباي مۋزەيىنىڭ العاشقى ديرەكتور­لارىنىڭ ءبىرى, ابايتانۋشى عالىم قايىم مۇحا­مەد­حانوۆتىڭ «ابايدىڭ قوس­قان ۇلەسى» اتتى ماقالاسىندا دا ۇلى اقىننىڭ 1885 جىلى ولكە­تانۋ مۋزەيىنە ەكسپوناتتار تاپسىر­عانى تۋرالى جازىلعان ەكەن.

اباي وبلىسى