فوتو: سۋ رەسۋرستارى جانە يرريگاتسيا مينيسترلىگى
سۋ شارۋاشىلىعى كوميتەتى توراعاسىنىڭ ورىنباسارى نۇربەك سەرىكوۆتىڭ ايتۋىنشا جوبانى تولىق ىسكە اسىرۋ ناتيجەسىندە سۋارمالى سۋ شىعىنىن جىلىنا 360 ملن تەكشە مەترگە دەيىن قىسقارتۋعا, ترانسشەكارالىق سۋ كوزدەرىنە تاۋەلدىلىكتى ازايتۋعا جانە كانالداردىڭ تيىمدىلىگىن 40-70%-عا دەيىن ارتتىرۋعا گيدرومەليوراتيۆتىك جاعداي جاسالادى.
«105 مىڭ گەكتار جەردىڭ سۋمەن قامتاماسىز ەتىلۋى مەن جاعدايى جاقسارادى, سونداي-اق جەرگىلىكتى تۇرعىندار ءۇشىن 20 مىڭعا دەيىن تۇراقتى جۇمىس ورنى اشىلادى», دەدى نۇربەك سەرىكوۆ.
جامبىل وبلىسىندا 10 مىڭ گەكتار ەگىس القابىن سۋمەن قامتاماسىز ەتەتىن ەكى نىسان پايدالانۋعا بەرىلسە, قىزىلوردا وبلىسىندا 15,1 مىڭ گەكتار جەردى سۋمەن قامتاماسىز ەتەتىن نىساندا قۇرىلىس-مونتاج جۇمىستارى اياقتالدى.
2025 جىلدىڭ ماۋسىم ايىنىڭ باسىنا قاراي جوبا اياسىندا 3064,88 شاقىرىم كانال (88,3%), 1280,87 شاقىرىم كوللەكتور (80,4%), 26 593 گيدروتەحنيكالىق قۇرىلىم (81,6%), 426 باقىلاۋ ۇڭعىماسى (92,4%), 222 تىك درەناج ۇڭعىماسى (100%) رەكونسترۋكتسيالاندى.
قازىرگى ۋاقىتتا 8 نىساندا قۇرىلىس-مونتاج جۇمىستارى جالعاسىپ جاتىر.
