فوتو: ۇكىمەتتىڭ ءباسپاسوز قىزمەتى
تۋريزم جانە سپورت ۆيتسە-ءمينيسترى ەرجان ەركىنباەۆتىڭ مالىمەتىنشە, 2025 جىلى سالاعا 1,3 ترلن تەڭگە كولەمىندە ينۆەستيتسيا تارتۋ جوسپارلانىپ وتىر. بۇل وتكەن جىلمەن سالىستىرعاندا 37%-عا كوپ.
2024 جىلدىڭ العاشقى ءتورت ايىنىڭ قورىتىندىسى بويىنشا 215,6 ملرد تەڭگە ينۆەستيتسيا تارتىلعان جانە بۇل جوسپاردىڭ 191%-ى قۇرايدى.
«سالاعا تارتىلاتىن ينۆەستيتسيا كولەمى ورنالاستىرۋ مەن تاماقتانۋ, ونەر, ويىن-ساۋىق پەن دەمالىس, كىتاپحانا, مۇراجاي, مۇراعات, جەرۇستى, اۋە مەن سۋ كولىگى, جالعا بەرۋ, تۋروپەراتور قىزمەتى جانە باسقا دا قىزمەت تۇرلەرى ەسەبىنەن قالىپتاستىرىلادى. ينۆەستيتسيانىڭ نەگىزگى اعىنى ەكىنشى جارتىجىلدىقتا ءتۇسۋى ءتيىس», دەدى ەرجان ەركىنباەۆ.
مينيسترلىكتىڭ مالىمەتىنشە, 2025 جىلى Kazakh Tourism ۇلتتىق كومپانياسىمەن بىرلەسىپ, قۇنى 991,3 ملرد تەڭگەدەن اساتىن 320 جوبا پۋلى جاسالعان. ونىڭ ىشىندە 244,5 ملرد تەڭگە مولشەرىندەگى 11 ءىرى جوبا جۇزەگە اسىرىلۋعا جاقىن.
سونىمەن قاتار سۋ رەسۋرستارى جانە يرريگاتسيا مينيسترلىگىنىڭ مالىمەتىنشە, بيىل سۋ شارۋاشىلىعى ينفراقۇرىلىمى سالاسىندا 358 جوبا جۇزەگە اسىرىلىپ جاتىر.
ايتا كەتەيىك, بيىل اتالعان جوبالارعا 193 ملرد تەڭگە قاراستىرىلعان. بۇل وتكەن جىلمەن سالىستىرعاندا 75%-عا كوپ. ال ىسكە اسىرىلاتىن نىسان سانى 2,4 ەسەگە ارتقان (2024 جىلى 110,5 ملرد تەڭگە سوماسىنداعى 151 جوباعا قارجى بەرىلدى). سونداي-اق ۇش جاڭا سۋ قويماسىنىڭ قۇرىلىسى باستالىپ, ەكى سۋ قويماسى قايتا جوندەلەدى.
