قىزمەتكەرلەر – باستى قۇندىلىعى
– بۇل كاسىپكە دەگەن قىزىعۋشىلىعىم وسىدان 15 جىل بۇرىن قىتايعا ساپار بارىسىندا باستالدى. ەرەكشە قولونەر بۇيىمدارىن ەگدە جاستاعى ەر ادامنىڭ تىگىپ وتىرعانىن كورگەنىمدە, تاڭدانىسىمدا شەك بولمادى. ەلگە كەلە سالىسىمەن جاڭا كاسىپكە كىرىسىپ كەتتىم, – دەيدى.
كەزىندە ءبىر عانا تىگىن ماشيناسىمەن باستالعان كاسىپورىندا بۇگىندە 10-نان استام ماشينا جۇمىس ىستەپ تۇر. تسەحتا 8 ادام ەڭبەك ەتەدى. ارنايى كيىمدەرگە تاپسىرىس الاتىن كاسىپورىن ونىمدەرىنە سۇرانىس قالاداعى مەملەكەتتىك, جەكەمەنشىك اۋرۋحانا مەن ەمحانالاردان, ءدامحانا مەن مەيرامحانالاردان تۇسەدى. كاسىپورىنداعى جۇمىستىڭ جاندانۋى اسىرەسە, ماۋسىمدىق تاپسىرىستارمەن تىعىز بايلانىستى. كاسىپكەردىڭ ايتۋىنشا, ءار ماۋسىم جاڭا مۇمكىندىككە جول اشادى. سونداي كەزەڭدەردىڭ بىرىندە 20 كۇننىڭ ىشىندە 4 مىڭ كورپە تىگىپ, رەكوردتىق تاپسىرىس ورىنداعان كەزدەر دە بولىپتى. ۋاقىت وتە كەلە ساۋدا نۇكتەسىن اشىپ, تۇراقتى كليەنتتەر بازاسىن قالىپتاستىرعان كاسىپكەر بۇگىندە شاعىن كاسىپتىڭ ءناسىبىن كورىپ وتىر.
قىزمەتكەرلەرى ارنايى سالىنعان تەگىن باسپانالاردا تۇرادى. كوممۋنالدىق شىعىنداردى دا كاسىپكەر ءوز جاۋاپكەرشىلىگىنە العان. ەركىن جۇمىس كەستەسى, لايىقتى جالاقى, ادامگەرشىلىك قارىم-قاتىناس – بۇل ۇجىمنىڭ نەگىزگى قاعيداتتارى. الەۋمەتتىك جاعداي جاسالسا, جۇمىسكەردىڭ ىنتاسى دا ارتادى, تياناقتى جۇمىس ىستەۋگە بارىنشا تىرىسادى. وسى كاسىپورىندا 8 جىلداي جۇمىس ىستەپ, سونىڭ ارقاسىندا جەر الىپ, ءۇي سالعان ماماندار دا بارشىلىق. كورشىلەرىن دە تۇراقتى جۇمىسپەن قامتىپ وتىرعان كاسىپكەر ولاردىڭ ۋاقىتىن ۇنەمدەۋىنە, وتباسىنا ۋاقتىلى كوڭىل بولۋىنە جاعداي قاراستىرعان.
KMF – سەنىمدى سەرىكتەس
جازيرا ورازقىزى KMF كومپانياسىمەن 2010 جىلدان بەرى تۇراقتى جۇمىس ىستەپ كەلەدى. ءوز كاسىبىن دامىتۋ ءۇشىن وسى كومپانيادان العاش رەت نەسيە راسىمدەپ, بىشكەكتەن قاجەتتى قۇرال-جابدىقتار ساتىپ العان. جاقىندا KMF-ءتىڭ «ىسكەر حانىم» باعدارلاماسى ارقىلى تاعى دا نەسيە الىپ, ءوندىرىستى كەڭەيتىپ, جاڭا كاسىپكەرلىك باستامالارىن دامىتۋدى كوزدەپ وتىر.
– كاسىپ جۇرگىزۋ ءۇشىن قوماقتى قاراجات كەرەك. سول قاراجاتتى 15 جىلدان بەرگى ارالىقتا KMF-تەن الىپ كەلەمىن. جاقىندا «ىسكەر حانىم» باعدارلاماسى ارقىلى نەسيە الدىم. كومپانيانىڭ قولداۋىنىڭ ارقاسىندا ماعان جانە وتباسى مۇشەلەرىمە بىلىكتى دارىگەرلەردەن تەگىن كەڭەس الۋعا, بيزنەستى دامىتۋعا, جەتىلدىرۋگە قاجەتتى كۋرستار, ترەنينگتەرگە قاتىسۋ مۇمكىندىگى بەرىلدى. نەسيەنى وتەۋدە جەڭىلدىك مەرزىمى قاراستىرىلعان. ءبىلىم ارتتىرۋعا, كاسىبىمىزدى دامىتۋعا قولداۋ كورسەتىپ جاتقان KMF كومپانياسىنا العىستان باسقا ايتارىم جوق. KMF ماعان جانە قىزمەتكەرلەرىمە كومەك كورسەتىپ, ورتاق ءىسىمىزدىڭ العا باسۋىنا ىقپال ەتىپ كەلەدى, – دەيدى كاسىپكەر.
KMF – وتاندىق نارىقتا 27 جىلدان استام ۋاقىتتان بەرى جۇمىس ىستەپ كەلە جاتقان قارجى ۇيىمى. شاعىن جانە ورتا كاسىپكەرلىكتى قارجىلاندىراتىن KMF-ءتىڭ ەلىمىز بويىنشا 17 فيليالى جانە 122 بولىمشەسى بار. كليەنتتەردىڭ باسىم بولىگىن ايەلدەر قۇرايدى. كومپانيا قۇرىلعالى بەرى 465 مىڭنان اسا ايەلگە نەسيە بەرىلىپ, كەيىنگى ءبىر جىلدا كاسىبىن دامىتۋعا 76 مىڭنان اسا ايەل نەسيە العان.
جازيرا حانىم كاسىپكەرلىكتىڭ وتباسىنا دا, اينالاداعى جاندارعا دا كومەگى كوپ ەكەنىن ايتادى. كاسىبىنىڭ ارقاسىندا بالا وقىتىپ, الەۋمەتتىك جاعدايىن جاقسارتتى. شەتەلدەرگە ساپارعا شىعىپ, دەمالۋعا دا ۋاقىت تاۋىپ جۇرگەن ىسكەر ايەل ەڭبەك بار جەردە بەرەكە بار دەيدى. ەڭ باستىسى – ءوز ءىسىڭدى جاقسى كورىپ, باعالاي ءبىلۋ.
جازيرا ورازقىزىنىڭ كاسىپكەرلىك جولى – ەڭبەك پەن تۇراقتى دامۋدىڭ جارقىن ۇلگىسى. ول تەك بيزنەس جۇرگىزىپ قانا قويماي, اينالاسىنا دا يگىلىكتى ىسىمەن ىقپال ەتىپ وتىر. ىسكەر ايەلدىڭ تاجىريبەسى ءوز ءىسىن باستاۋعا نيەتتى جاندار ءۇشىن ەرەكشە شابىت بەرەدى.
الماتى
