سىرداريا اۋداندىق سوتى ازامات ب.-عا قاتىستى اكىمشىلىك قۇقىق بۇزۋشىلىق تۋرالى ءىستى قارادى. ول قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 73-بابى 2-بولىگىنە (قايتالاپ جاسالعان ۇساق بۇزاقىلىق) سايكەس كىنالى دەپ تانىلدى.
سوتتىڭ مالىمەتىنشە, ازامات ب. ۇيىندە سپيرتتىك ىشىمدىك ءىشىپ, ايەلىنە بالاعات سوزدەر ايتىپ, وعان قۇرمەتسىزدىك تانىتقان. ول قوعام تىنىشتىعىن بۇزىپ, بۇزاقىلىق ارەكەتتى وسىعان دەيىنگى اكىمشىلىك جازاعا تارتىلعاننان كەيىن ءبىر جىل ىشىندە قايتالاپ جاساعان.
سوتتا قۇقىق بۇزۋشىنىڭ كىناسى ۇسىنىلعان دالەلدەرمەن راستالدى.
سوت شەشىمىمەن ازامات ب.-عا 10 تاۋلىككە اكىمشىلىك قاماۋ تۇرىندە جازا تاعايىندالدى. سونىمەن قاتار, وعان التى اي مەرزىمگە الكوگولدى ىشىمدىكتەردى, ەسىرتكى جانە پسيحوتروپتىق زاتتاردى پايدالانۋعا تولىق تىيىم سالىندى.
