فوتو: اشىق دەرەككوز
ءۇندىستان پرەمەر-ءمينيسترى نارەندرا ءموديدىڭ باس حاتشىسى پرامود كۋمار ميشرانىڭ ايتۋىنشا, قارا جاشىكتەر جەكسەنبى كۇنى انىقتالعان. العاشقى جاشىك جۇما كۇنى اپات ورنىنا جاقىن ورنالاسقان عيماراتتىڭ شاتىرىنان تابىلعان.
The Economic Times گازەتىنىڭ مالىمەتىنشە, جازبالاردى تولىق اشۋ ءتورت-بەس كۇنگە سوزىلۋى مۇمكىن.
احمەدابادقا اپاتتى تەرگەۋ ءۇشىن بىرنەشە حالىقارالىق ساراپشى توپتارى ءۇندىستاننىڭ اۆياتسيالىق وقيعالاردى زەرتتەۋ بيۋروسىمەن بىرلەسىپ جۇمىس ىستەۋ ماقساتىندا كەلگەن. رەسمي ەسەپ ءۇش اي ىشىندە جاريالانادى.
مامانداردىڭ ايتۋىنشا, تابىلعان قۇرىلعىلار اپاتقا دەيىنگى وقيعالاردىڭ ناقتى حرونولوگياسىن قالپىنا كەلتىرۋگە مۇمكىندىك بەرەدى. ولار ۇشقىشتاردىڭ ارەكەتى مەن ۇشاق جۇيەلەرىنىڭ جاعدايىن سەكۋندتىق دالدىكپەن سيپاتتاپ بەرەدى.
ەستەرىڭىزگە سالا كەتەيىك, AI171 رەيسى احمەدابادتان لوندونعا باعىت العان. الايدا ۇشاق كوپ ۇزاماي اپاتقا ۇشىراپ, ستۋدەنتتەر جاتاقحاناسىنا سوعىلعان.
