فوتو: exp.idk.ru
ەكونوميكا مينيسترلىگى مۇنداي ناتيجەگە ونەركاسىپ پەن قۇرىلىس سالالارىنان باستاپ ساۋدا, كولىك جانە بايلانىسقا دەيىنگى نەگىزگى سالالارداعى ءوسىم قارقىنىنىڭ جەدەلدەۋى ىقپال ەتكەنىن اتاپ ءوتتى.
ونەركاسىپ ءوندىرىسى 6,4%-عا ارتقان. ەلدىڭ 17 وڭىرىندە ءوسىم بايقالدى: ەڭ جوعارى ءوسىم +22,9% كورسەتكىشىمەن كەن ءوندىرۋ, تىڭايتقىشتار, پورتلاندتسەمەنت پەن قانت ءوندىرىسىنىڭ بەلسەندى دامۋىنىڭ ناتيجەسىندە جامبىل وبلىسىندا تىركەلدى. تۇركىستان جانە جەتىسۋ وبلىستارىندا ءوندىرىس 14,8%-عا, الماتى قالاسىندا 14,1%-عا ءوستى. شىمكەنت قالاسىندا ءوسىم 18,9%-عا جەتتى.
اۋىل شارۋاشىلىعىنداعى وسىم 4,0%-دى قۇرادى (قاڭتار-ءساۋىر ايلارىنداعى 3,9%-بەن سالىستىرعاندا). ەڭ ايقىن ءوسىم اتىراۋ وبلىسىندا (+10,4%), سولتۇستىك قازاقستان وبلىسىندا (+7,5%) جانە اقمولا وبلىسىندا (+6,5%) تىركەلدى. بۇل كورسەتكىشكە نەگىزىنەن مال مەن قۇس سويىمىنىڭ ارتۋى سەبەپ بولعان.تۇركىستان وبلىسىندا ءوسىم 6,3%-دى, اباي وبلىسىندا – 3,6%-دى, ال قوستاناي وبلىسىندا – 4,8%-دى قۇرادى.
قۇرىلىس سالاسى دا قارقىندى دامىپ 15,4%-عا ءوسىم كورسەتتى. ون سەگىز وڭىردە ءوسىم تىركەلدى, ال ماڭعىستاۋ وبلىسىندا مەكتەپتەر, تۇششىتقىش زاۋىت, مۇناي جانە سۋ قۇبىرلارىن قايتا جاڭارتۋ, اۋداندىق اۋرۋحانا جانە اۆتوجولداردى جوندەۋ سياقتى اۋقىمدى جوبالاردىڭ ارقاسىندا جۇمىس كولەمى ەكى ەسەگە ارتتى. قىزىلوردا وبلىسىندا ءوسىم 64,5%-دى, قوستانايدا – 57,8%-دى, استانادا – 51,8%-دى, تۇركىستان وبلىسىندا – 46,6%-دى قۇرادى. تۇرعىن ءۇي قۇرىلىسى دا قارقىن الىپ كەلەدى: بەس ايدىڭ ىشىندە 6 ملن شارشى مەتردەن استام تۇرعىن ءۇي پايدالانۋعا بەرىلدى, بۇل بىلتىرمەن سالىستىرعاندا 5,7%-عا كوپ. ەڭ بەلسەندى قۇرىلىس تۇركىستان وبلىسىندا (+25,5%), شىمكەنت قالاسىندا (+23,4%) جانە الماتى وبلىسىندا (+20,4%) بايقالدى.
نەگىزگى كاپيتالعا سالىنعان ينۆەستيتسيا 18,2%-عا ارتتى. بۇل ءوسىم كولىك, وندىرىستىك جانە الەۋمەتتىك ينفراقۇرىلىمعا, سونداي-اق جابدىقتار مەن جاڭا ونەركاسىپتىك نىساندارعا باعىتتالعان قارجى سالىمدارىنىڭ ەسەبىنەن قامتاماسىز ەتىلگەن.
ساۋدا اينالىمى 7,8%-عا ارتتى (قاڭتار-ءساۋىر ايىنىڭ قورىتىندىسىنداعى 7,0%-بەن سالىستىرعاندا). ىشكى ساۋدا قۇرىلىمىندا كوتەرمە ساۋدانىڭ ۇلەسى شامامەن 68%-دى قۇرايدى. وسى جىلدىڭ قاڭتار-مامىر ايلارىندا كوتەرمە ساۋدا 8,3%-عا, بولشەك ساۋدا 6,5%-عا ءوستى.
ءوسىم قارقىنى بويىنشا تۇركىستان وبلىسى (+66,2%), اقمولا وبلىسى (+48,9%) جانە شىمكەنت قالاسى (+23,1%) الدىڭعى قاتاردا.
بايلانىس جانە تەلەكوممۋنيكاتسيا سالاسى 2,8%-عا ءوستى. بۇل ينتەرنەت جەلىسى قىزمەتتەرى ەسەبىنەن جەتكەن مەجە (+13,9%).
كولىك سالاسى 23,1%-دىق ءوسىم كورسەتتى — بۇل كوبىنەسە جۇك تەمىرجول كولىگىنىڭ (+17%) جانە قۇبىر ارقىلى تاسىمالداۋدىڭ وسۋىنە بايلانىستى تىركەلگەن ناتيجە (+13,8%). ەڭ جوعارى ءوسىم جەتىسۋ وبلىسىندا (+39,1%), اباي وبلىسىندا (+17,7%) جانە اقتوبە وبلىسىندا (+11,3%).
