وتىرىس بارىسىندا ايدا بالاەۆا مادەني-گۋمانيتارلىق ىنتىماقتاستىق سالاسىنداعى جوسپارلار تۋرالى كەلىسىپ, بۇل شارالار ءوزارا بايلانىستى نىعايتۋعا ىقپال ەتەتىنىن اتاپ ءوتتى.
كەزدەسۋدە تاراپتار الداعى بىرلەسكەن ءىس-شارالاردى تالقىلادى. اتاپ ايتقاندا, ەلىمىزدە بەلارۋس مادەنيەتىنىڭ كۇندەرىن وتكىزۋ تۋرالى باستاما كوتەرىلدى. ايدا بالاەۆا بۇل ءىس-شارانىڭ اياسىن كەڭەيتىپ, ءداستۇرلى كونتسەرتتەر مەن كورمەلەردەن بولەك, شەبەرلىك ساباقتارىن, شىعارماشىلىق كەزدەسۋلەردى, عىلىمي كونفەرەنتسيالاردى, مادەنيەت سالاسىنداعى ءوزارا بايلانىستىڭ وزگە دە تۇرلەرىن قامتۋدى ۇسىندى.
سونىمەن قاتار, ء«لىستاپاد» كينوفەستيۆالى اياسىندا قازاقستان كينوسىنىڭ كۇندەرى وتەدى. قازىرگى ۋاقىتتا ءىس-شارانى وتكىزۋگە قاتىستى ماسەلەلەر مەن كورسەتىلەتىن فيلمدەردىڭ ءتىزىمى ناقتىلانىپ جاتىر. بۇدان بولەك, 10-11 شىلدە كۇندەرى ۆيتەبسك قالاسىندا وتەتىن حالىقارالىق «سلاۆيان بازارى» فەستيۆالىنە دە قازاقستاندىق ونەرپازدار قاتىسادى.
كەزدەسۋ سوڭىندا ايدا بالاەۆا قازاقستان تاراپى ەكى ەلدىڭ مۋزەي, تەاتر مەن ارحيۆ قىزمەتتەرى اراسىنداعى ىنتىماقتاستىقتى نىعايتۋعا, سونداي-اق بىرلەسكەن كينووندىرىس پەن كونتسەرتتىك جوبالاردى دامىتۋعا مۇددەلى ەكەنىن اتاپ ءوتتى. تاراپتار بىرلەسكەن ءىس-شارالاردى ۇيلەستىرۋ ماقساتىندا جۇمىس توبىن قۇرۋعا ۋاعدالاستى. كەزدەسۋ قاتىسۋشىلارىنىڭ پىكىرىنشە, بۇل باستامالار قازاقستان مەن بەلارۋس ەلدەرى اراسىنداعى دوستىق پەن ءوزارا تۇسىنىستىكتى نىعايتا تۇسپەك.
