ماسەلەن اباي وبلىسىندا توتەنشە جاعدايلار دەپارتامەنتى دوموفون كومپانياسىمەن بىرلەسە وتىرىپ, الدىن الۋ جۇمىستارىنىڭ يننوۆاتسيالىق فورماتىن — كوپپاتەرلى ۇيلەردەگى دوموفون جۇيەلەرى ارقىلى ەسكەرتۋ اۋديو جانە بەينە حابارلامالارىن تاراتۋدى ەنگىزدى. بۇل ءتاسىل كەڭ اۋديتوريانى جەدەل قامتۋعا جانە قاۋىپسىزدىك ماسەلەلەرى بويىنشا اقپاراتتى حالىققا ۋاقتىلى جەتكىزۋگە مۇمكىندىك بەرەدى.
شىعىس قازاقستان وبلىسىندا بالالاردىڭ قاۋىپسىزدىگىنە ەرەكشە نازار اۋدارىلدى. بالالار جاراقاتىنىڭ الدىن الۋ ماقساتىندا تج دەپارتامەنتى ءىرى قۇرىلىس كومپانياسىمەن ىنتىماقتاستىق تۋرالى مەموراندۋمعا قول قويدى. كەلىسىمگە سايكەس قۇرىلىس سالۋشى تۇرعىزاتىن كوپ قاباتتى ۇيلەردىڭ تەرەزەلەرىندە تەرەزە بلوكيراتورلارى مەن شەكتەگىشتەردى مىندەتتى تۇردە ورناتۋ كوزدەلەدى. بۇل بالالاردىڭ تەرەزەدەن قۇلاۋ قاۋپىن ەداۋىر ازايتادى جانە بالالارى بار وتباسىلار ءۇشىن قاۋىپسىز ءومىر ءسۇرۋ جاعدايىن قامتاماسىز ەتەدى. قۇتقارۋشىلار مۇنداي سەرىكتەستىك ۇقساس كاسىپورىندار ءۇشىن ماڭىزدى قادام جانە ۇلگى بولادى جانە قاۋىپسىزدىك مادەنيەتىن ارتتىرۋعا مۇمكىندىك بەرەدى دەپ سانايدى.
شىمكەنتتە شومىلۋ كەزىندەگى قاۋىپ-قاتەر تۋرالى ازاماتتاردى ەسكەرتۋدىڭ جاڭا ءتاسىلى ەنگىزىلدى. تجم ازاماتتىق قورعانىس جانە اسكەري بولىمدەر كوميتەتى قالالىق تج دەپارتامەنتىمەن بىرلەسىپ سۋ ايدىندارىنا ورنالاستىرۋ ءۇشىن ەسكەرتۋ بەلگىسىنىڭ يننوۆاتسيالىق ءتۇرىن سىنادى. جاڭا شەشىم ارزان, بولشەكتەۋگە ءتوزىمدى جانە كەز كەلگەن بەتكەيگە وڭاي ورناتىلادى. مۇنداي باستاما شومىلۋ ماۋسىمىندا قاۋىپسىزدىك دەڭگەيىن ارتتىرۋعا كومەكتەسىپ, ەلىمىزدىڭ باسقا وڭىرلەرىندە دە تارالا باستادى.
اقپاراتتاندىرۋ مەن الدىن الۋدىڭ كەشەندى ءتاسىلى توتەنشە جاعدايلار مەن جازاتايىم وقيعالاردىڭ سانىن ازايتۋدىڭ كەپىلىنە اينالادى. زاماناۋي تەحنولوگيالاردى پايدالانۋ جانە بيزنەسپەن سەرىكتەستىك جاڭا قاۋىپسىزدىك فورماتتارىنىڭ تيىمدىلىگىن راستايدى.
