قازاقستان رەسپۋبليكاسىنىڭ وڭدەۋشى ونەركاسىبىن دامىتۋدىڭ 2023-2029 جىلدارعا ارنالعان تۇجىرىمداماسىنا سايكەس مدف جوباسى تسيفرلاندىرۋ مۇمكىندىكتەرى مەن تەحنولوگيالاردى ەنگىزۋ تيىمدىلىگىن كورسەتەتىن پيلوتتىق كاسىپورىندار نەگىزىندە تسيفرلىق شەشىمدەردى ەنگىزۋگە باعىتتالعان.
2018 جىلدان باستاپ ۇلگىلىك تسيفرلىق زاۋىت رەتىندە كەلەسى كاسىپورىندار تاڭدالدى: «اك التىنالماس» اق, «حيمفارم» اق, «ەۆرازيان فۋدس» اق, «الماتى جەلدەتكىش زاۋىتى» جشس, «بال تەكستيل» جشس جانە «Karlskrona LC AB» جشس.
ءاربىر كاسىپورىن ءۇشىن تسيفرلاندىرۋدىڭ جول كارتالارى ازىرلەندى, ونىڭ ىشىندە تسيفرلىق تەحنولوگيالاردى ەنگىزۋ, پروتسەستەردى اۆتوماتتاندىرۋ جانە تسيفرلىق شەشىمدەردى بىرىكتىرۋ شارالارى بار.
وسى جول كارتالارى اياسىندا 45 تسيفرلىق جوبا جۇزەگە اسىرىلۋدا. 2024 جىلدىڭ اياعىنا دەيىن 31 جوبا تولىعىمەن ىسكە اسىرىلدى, 14-ءى ىسكە اسىرۋ ساتىسىندا. تسيفرلىق شەشىمدەردى ەنگىزۋ ناتيجەسىندە ونىمدىلىك 15-30%-عا ارتتى, اقاۋلاردان بولاتىن ىسىراپتار 12%-عا ازايدى, وپەراتسيالاردىڭ 60%-عا دەيىنى اۆتوماتتاندىرىلدى, جوندەۋ شىعىندارى 20%-عا قىسقاردى. ەڭ ءساتتى تسيفرلاندىرۋدى جول كارتالارى تولىعىمەن ورىنداعان «حيمفارم» اق جانە «بال تەكستيل» جشس سياقتى كاسىپورىندار اياقتادى.
مىسالى, «بال تەكستيل» جشس جوسپارلانعان 6 جوبانى ءساتتى جۇزەگە اسىردى, سونىڭ ىشىندە پروتسەستەردىڭ رەينجينيرينگى, ERP جۇيەسى, ساپانى باقىلاۋدىڭ تسيفرلىق شەشىمدەرى, قىزمەتكەرلەردى وقىتۋ جۇيەسى جانە ءونىمدى قاداعالاۋ بار.
«حيمفارم» اق بارلىق 6 تسيفرلىق جوبانى جۇزەگە اسىرۋدى تولىعىمەن اياقتادى: بۇلتتىق HR, وندىرىستىك دەرەكتەردى ۆيزۋاليزاتسيالاۋ, پرەديكتيۆتىك جوندەۋ (SAP TOPO), تسيفرلىق ينجەنەرلىك ورتالىق, توپتامالاۋ جانە بىرىكتىرۋ, سونداي-اق ساپانى باقىلاۋ جۇيەسى (QA Power Map).
«اك التىنالماس» التىن ءوندىرۋ كاسىپورنى 12 تسيفرلىق جوبانىڭ 10-ىن جۇزەگە اسىردى, ونىڭ ىشىندە IT ينفراقۇرىلىمىن قۇرۋ, جەراستى جابدىقتارىن اۆتوماتتاندىرۋ, جۇمىسقا تاپسىرىستى باسقارۋ جۇيەسىن ەنگىزۋ, ورتالىق ديسپەتچەرلىك كەڭسە, اشىق جانە جەراستى تاۋ-كەن جۇمىستارىن ديسپەتچەرلەۋ.
«الماتى جەلدەتكىش زاۋىتى» جشس مالىمەتتەر بازاسىن تسيفرلاندىرۋ, ERP جۇيەسى, كايزەن پروتسەستەرى جانە ءونىمدى قاداعالاۋ بويىنشا بارلىق جوسپارلانعان 4 جوبانى جۇزەگە اسىردى.
«Karlskrona LC AB» جشس 6 جوبانىڭ 5-ءىن اياقتادى, ونىڭ ىشىندە CRM, قۇيۋ تەحنولوگيالىق پروتسەسىن بولجاۋ جۇيەسى, ءونىمدى 3D مودەلدەۋ جانە ەلەكتروندى وقىتۋ جۇيەسى.
«ەۆرازيان فۋدس» اق جوسپارلانعان 7 جوبانىڭ 4-ءىن جۇزەگە اسىردى, ونىڭ ىشىندە وقۋ ورتالىعى, پرەديكتيۆتىك جوندەۋ (SAP TOPO, 1 كەزەڭ), ەنەرگيا مەنەدجمەنتىن ەنگىزۋ, ساپا مەنەدجمەنتىن ءىشىنارا اۆتوماتتاندىرۋ.
