وقيعا 4 مامىرعا قاراعان ءتۇنى بالقاشتا بولعان. جابىرلەنۋشىنىڭ تۋىستارىنىڭ سوزىنشە, ونىڭ بۇرىنعى كۇيەۋى ۇيگە باسا-كوكتەپ كىرىپ, ايەلگە شابۋىل جاساعان — ۇرىپ-سوعىپ, قىلقىندىرا باستاعان.
ايەل كوپ جاراقات الىپ, اۋىر حالدە اۋرۋحاناعا جەتكىزىلگەن.
تۋىستارىنىڭ ايتۋىنشا, وقيعادان كەيىن ەر ادام بىرنەشە رەت ايەل جاتقان مەديتسينالىق مەكەمەگە كەلىپ, ونى قورقىتۋدى جالعاستىرعان.
قاراعاندى وبلىسىنىڭ پوليتسيا دەپارتامەنتى بۇل دەرەككە قاتىستى قىلمىستىق ءىس قوزعالعانىن راستادى. كۇدىكتىنىڭ راسىندا بۇرىنعى پوليتسيا قىزمەتكەرى ەكەنى ناقتىلاندى. ول انىق-قانىعىن ءبىلۋ ءۇشىن بولىمشەگە جەتكىزىلگەن. دەسە دە پوليتسيا وكىلدەرى جابىرلەنۋشى تاراپتان رەسمي ارىز تەك 4 ماۋسىمدا, ياعني وقيعادان ءبىر اي وتكەن سوڭ عانا تۇسكەنىن ايتتى.
الدىن الا مالىمەت بويىنشا, شابۋىل بۇرىنعى ەرلى-زايىپتى اراسىنداعى م ۇلىك داۋىنا بايلانىستى بولۋى مۇمكىن.
پوليتسيا وكىلدەرى تەرگەۋ بارىسىنا كۇدىكتىنىڭ جەكە باسىنىڭ اسەر ەتپەيتىنىن باسا ايتتى: “زاڭ بارلىعىنا بىردەي. بۇرىنعى قىزمەتتىك مارتەبە جاۋاپكەرشىلىكتەن بوساتپايدى”, — دەدى دەپارتامەنت وكىلدەرى.
قازىر ءىس وبلىستىق پوليتسيا باسشىلىعىنىڭ ەرەكشە باقىلاۋىندا. سوتقا دەيىنگى تەرگەۋ امالدارى ءجۇرىپ جاتىر.
