قالاداعى «دوستىق» شاعىن اۋدانىندا ورنالاسقان كوپىردىڭ ۇزىندىعى – 238, ەنى – 17,1 مەتر. اۋداندىق جولاۋشىلار كولىگى جانە اۆتوموبيل جولدارى ءبولىمى تاسقىن سۋدىڭ سالدارىنان جارامسىز كۇيگە تۇسكەن كوپىردى جاڭعىرتۋ جوباسىنا تاپسىرىس بەردى. قۇرىلىس جۇمىستارىن «SK Kazalem» جشس اتقاردى. سەرىكتەستىك وكىلى داۋىلباي كەمالوۆتىڭ ايتۋىنشا, جۇمىستى وتكەن جىلى قىركۇيەكتە باستاۋ كوزدەلگەن ەكەن. الايدا كوپىر استىمەن كوممۋنيكاتسيا جەلىلەرى جۇرگىزىلگەن. بۇل جاڭعىرتۋدى ەرتە باستاۋعا كەدەرگى كەلتىرىپتى.
«بىلتىر كوكتەمنەن كوپىر ارقىلى كولىك پەن تۇرعىنداردىڭ جۇرۋىنە تىيىم سالىنعان ەدى. ويتكەنى بۇل كوپىر – قۇرىلىس نىسانى ەمەس, تۇرعىنداردىڭ قاۋىپسىزدىگى مەن كولىك قاتىناسىنىڭ كەپىلى. ەندى جاڭعىرتىلعان كوپىر ارقىلى مونوقالاداعى كولىك قوزعالىسىن رەتتەۋگە قولايلى جاعداي جاسالادى», دەيدى قۇلسارى قالاسىنىڭ اكىمى قادىرجان ادينوۆ.
اتىراۋ وبلىسى
