جاقىندا ەلوردادا قازاق-فرانتسۋز مەكتەبىنىڭ كاپسۋلاسىن قالاۋ بويىنشا سالتاناتتى ءراسىم ءوتتى. وعان وقۋ-اعارتۋ ءمينيسترى عاني بەيسەمباەۆ, فرانتسيانىڭ سىرتقى ساۋدا جانە شەتەلدە تۇراتىن فرانتسۋز ازاماتتارى جونىندەگى مينيستر-دەلەگاتى لوران سەن-مارتەن قاتىستى.
ينتەرناتى بار مەكتەپ 800 ورىنعا ەسەپتەلگەن جانە ەلىمىزدىڭ مەملەكەتتىك جالپىعا مىندەتتى ءبىلىم بەرۋ ستاندارتىنا سايكەستەندىرىلگەن. اتالعان مەكتەپتە بارلىق ءوڭىردىڭ بالالارى ءبىلىم الادى.
قاتىسۋشىلارعا ارناعان سوزىندە مينيستر ع.بەيسەمباەۆ جوبانىڭ ءبىلىم بەرۋ سالاسىنداعى باستى وقيعالاردىڭ بىرىنە اينالاتىنىن اتاپ ءوتتى.
«بۇل – قازاقستان مەن فرانتسيا اراسىنداعى ءبىلىم بەرۋ سالاسىنداعى تەرەڭدەتىلگەن ىنتىماقتاستىقتىڭ سيمۆولى. وسى مەكتەپ ارحيتەكتۋرالىق جانە ءبىلىم بەرۋ تۇرعىسىنان ۇلگى بولىپ, ءبىزدىڭ ەلدەرىمىز اراسىنداعى ناعىز كوپىرگە اينالادى دەپ سەنەمىز», دەدى مينيستر.
ورتالىق ازياداعى حالىقارالىق دەڭگەيدەگى نەگىزگى ءبىلىم بەرۋ ۇيىمدارىنىڭ بىرىنە اينالاتىن بولاشاق مەكتەپ 2026 جىلدىڭ 1 قىركۇيەگىندە ءوز ەسىگىن اشادى دەپ جوسپارلانعان. سونىمەن قاتار الماتى قالاسىندا قازاق-فرانتسۋز مەكتەبى اشىلادى.
