قازاقستان مەن كورەيا اراسىنداعى اۋە قاتىناسى كۇشەيدى

وڭتۇستىك كورەيا – قازاقستان ءۇشىن ماڭىزدى تۋريستىك نارىقتاردىڭ ءبىرى.
2024 جىلى ەلىمىزگە 40 180 كورەيالىق كەلگەن. بۇل 2023 جىلمەن سالىستىرعاندا +12,8% ءارى پاندەمياعا دەيىنگى كورسەتكىشكە تەڭ.

قوناقۇيلەردە تۇنەگەن تۋريستەر سانى دا 26 861 ادامعا جەتىپ, 12%-عا وسكەن. مينيسترلىك ەكى ەل اراسىنداىع تۋريستىك قاتىناستىڭ دامۋىنا ۆيزاسىز رەجيم, تىكەلەي رەيستەردىڭ كوبەيۋى جانە بەلسەندى ىلگەرىلەتۋ جۇمىستارى ىقپال ەتىپ وتىرعانىن اتاپ ءوتتى.

سەۋلدە وتكەن B2B كەزدەسۋلەرىندە قازاقستاندىق تۋروپەراتورلار كورەيانىڭ 60-تان استام كومپانياسىمەن كەلىسسوزدەر جۇرگىزگەن. شاراعا Kazakh Tourism, Almaty Tourism Bureau, Air Astana, SCAT جانە «شىمبۇلاق» كۋرورتى بەلسەندى قاتىسقان.
ءىس-شارا قازاقستاننىڭ كورەياداعى ەلشىلىگىنىڭ قولداۋىمەن وتكەن.

«2024 جىلى قازاقستان ەكونوميكاسى 5,1%-عا ءوستى. شەتەلدىك ينۆەستيتسيالار كولەمى رەكوردتىق دەڭگەيگە جەتتى. مەملەكەت قولداۋىنىڭ ارقاسىندا تۋريزم, ونىڭ ىشىندە MICE-سەكتور بەلسەندى دامىپ كەلەدى. 2025 جىلى استانادا وتكەن حالىقارالىق فورۋم – سونىڭ دالەلى. ونىڭ قوناقتارىنىڭ ءبىرى – بۇۇ-نىڭ بۇرىنعى باس حاتشىسى پان گي مۋن بولدى», دەدى  قازاقستاننىڭ كورەيا رەسپۋبليكاسىنداعى ەلشىسى نۇرعالي ارىستانوۆ

سونداي-اق الماتى تۋريزم باسقارماسى سەۋلدەگى SITF حالىقارالىق كورمەسىنە قاتىسۋ پروتسەسىن ۇيىمداستىرىپ جاتىر. ال ساۋىردە Kazakh Tourism جانە Air Astana كورەيانىڭ 9 ءىرى تۋروپەراتورىنا اقپاراتتىق تۋر وتكىزگەن.