ول ءوز جازباسىندا 28 مامىردا قازاقستان استاناسى — استانادا قازاقستان رەسپۋبليكاسى مەن رەسەي فەدەراتسياسىنىڭ ماڭگىلىك دوستىق اللەياسىنىڭ سالتاناتتى اشىلۋ ءراسىمى وتكەنىن مالىمدەگەن.
ء«ىس-شارا رەسەيدىڭ مادەنيەت ءمينيسترى ولگا ليۋبيموۆا مەن قازاقستاننىڭ مادەنيەت جانە اقپارات ءمينيسترى ايدا بالاەۆانىڭ قاتىسۋىمەن ۇيىمداستىرىلدى. قازاقستاننىڭ ادەمى ءارى قارقىندى دامىپ كەلە جاتقان استاناسىنىڭ ءدال ورتاسىندا جاڭا كورنەكى ورىننىڭ پايدا بولۋى — ءبىزدىڭ مەملەكەتتەر اراسىنداعى وداقتاستىق قاتىناستار مەن ينتەگراتسيالىق بايلانىستاردىڭ ماڭىزدى وقيعاسى, كوپقىرلى ىنتىماقتاستىقتىڭ وزىندىك گەوگرافيالىق نۇكتەسى. سالتاناتتى شارا بارىسىندا مادەنيەت مينيسترلەرى حالىقتارىمىزدىڭ بەرىك باۋىرلاستىق بايلانىستارىن, تاريحي تامىرلاستىق پەن رۋحاني جاقىندىعىن اتاپ ءوتتى. سونىمەن بىرگە, مادەنيەت پەن ونەر سالالارىنداعى بىرلەسكەن جوبالاردى جۇزەگە اسىرۋدىڭ ماڭىزدىلىعى ءسوز بولدى», — دەپ جازدى رف ءسىم رەسمي وكىلى.
ماريا زاحاروۆا ماڭگىلىك دوستىق اللەياسىنىڭ اشىلۋىن قازاقستان مەن رەسەي اراسىنداعى ىنتىماقتاستىقتىڭ جارقىن كورىنىسى رەتىندە باعالادى.
