بالالاردى قورعاۋ كۇنىنە جانە قازاقستان پوليتسياسىنىڭ 33 جىلدىعىنا وراي, سونداي-اق “زاڭ جانە ءتارتىپ” قاعيداتىن جۇزەگە اسىرۋ ماقساتىندا شىمكەنت قالاسىنىڭ پوليتسيا دەپارتامەنتى “پوليتسەي بولعىم كەلەدى!” اتتى بىرەگەي الەۋمەتتىك-اعارتۋشىلىق جوبانى ىسكە قوستى.
جوبانىڭ باستى ماقساتى — بالالاردىڭ قۇقىقتىق ساناسىن قالىپتاستىرۋ, زاڭعا جانە تارتىپكە دەگەن قۇرمەتتى ءسىڭىرۋ, سونداي-اق پوليتسيا قىزمەتىنە قىزىعۋشىلىق وياتۋ. بۇل جوبا ارباتتا, ياعني قالا تۇرعىندارى ءجيى سەرۋەندەيتىن قوعامدىق ورىندا ورنالاسقان ينتەراكتيۆتى فوتوزونا تۇرىندە ۇسىنىلعان.
فوتوزونادا پوليتسيا قىزمەتكەرلەرىنىڭ سيلۋەتتەرى بەينەلەنگەن, ال بالالار سول بەينەلەردىڭ بەت تۇسىنا ءوز جۇزدەرىن قويىپ, سۋرەتكە تۇسە الادى. وسىلايشا, ولار وزدەرىن ناعىز قۇقىق قورعاۋشى رەتىندە سەزىنە الادى.
بۇل تەك ەستە قالارلىق فوتو ءتۇسىرۋ مۇمكىندىگى عانا ەمەس, سونىمەن قاتار بالا ساناسىنا ماڭىزدى ءرولدى – قوعام تىنىشتىعىن كۇزەتەتىن پوليتسيا قىزمەتىن بەينەلى تۇردە ۇعىندىرۋ ءتاسىلى. ۇيىمداستىرۋشىلاردىڭ ايتۋىنشا, وسىنداي باستامالار وسكەلەڭ ۇرپاققا دۇرىس باعىت-باعدار بەرىپ, زاڭ مەن تارتىپكە دەگەن قۇرمەتتى تاربيەلەۋدە ۇلكەن ءرول اتقارادى.
”پوليتسەي بولعىم كەلەدى!” جوباسى ماۋسىم ايى بويى ارباتتا جالعاسادى. بارشا اتا-انالار مەن بالالاردى وسى قىزىقتى ءارى تاعىلىمدى جوباعا قاتىسۋعا شاقىرامىز.
