فوتو: Yonhap
ۇشاق بەيسەنبى كۇنى جەرگىلىكتى ۋاقىتپەن ساعات 13:49 شاماسىندا ەلدىڭ وڭتۇستىك-شىعىسىنداعى تاۋ بوكتەرىنە سوعىلعان. كۋاگەرلەر بيىككە كوتەرىلگەن ءتۇتىندى بايقاپ, جارىلىس داۋىسىن ەستىگەن.
اسكەري-تەڭىز كۇشتەرىنىڭ مالىمەتىنشە, P-3 تەڭىز اۆياتسياسى ۇشاعى پحوحان قالاسىنداعى اۋە بازاسىنان ساعات 13:43-تە ۇشىپ شىققان. ۇشۋ مەن قونۋ بويىنشا وقۋ-جاتتىعۋ تاپسىرماسىن ورىنداۋعا كىرىسكەن اۋە كەمەسى بەلگىسىز سەبەپپەن ۇشقاننان التى مينۋت وتكەن سوڭ اپاتقا ۇشىراعان.
ۇشاق بورتىندا ەكى وفيتسەر مەن ەكى كىشى وفيتسەر بولعان. بارلىعىنىڭ ءمايىتى تابىلدى.
قايعىلى وقيعانىڭ سەبەپ-سالدارىن انىقتاۋ ءۇشىن ارنايى تەرگەۋ توبى قۇرىلىپ, P-3 ۇلگىسىندەگى ۇشاقتاردىڭ ۋاقىتشا ۇشۋى توقتاتىلدى. تۇرعىندار تاراپىنان زارداپ شەككەندەر تۋرالى مالىمەت جوق.
ەل پرەزيدەنتىنىڭ مىندەتىن اتقارۋشى لي دجۋ حو قورعانىس ءمينيسترىنىڭ مىندەتىن اتقارۋشى كيم سون حودان اقپارات العان سوڭ, قۇتقارۋ جۇمىستارىن جەدەلدەتىپ, ەكولوگيالىق زالالدى بولدىرماۋ ءۇشىن بارىنشا شارا قابىلداۋعا شاقىردى.
