فوتو: اشىق دەرەككوز
EKAZENT Management – ساۋدا جانە اۋتلەت ورتالىقتارىن باسقارۋ بويىنشا تولىق قىزمەتتەر كەشەنىن ۇسىناتىن, اۆسترياداعى جىلجىمايتىن م ۇلىك نارىعىنىڭ جەتەكشى كومپانيالارىنىڭ ءبىرى.
كەزدەسۋ بارىسىندا ىنتىماقتاستىق باعىتتارى قاراستىرىلدى. اتاپ ايتقاندا, الماتى وبلىسىندا اۋتلەت ورتالىعىن سالۋ جونىندەگى ينۆەستيتسيالىق جوبانىڭ ىسكە اسۋ مۇمكىندىكتەرى ءسوز بولدى. بۇل جوبا ءوڭىردىڭ ساۋدا جانە تۋريستىك تارتىمدىلىعىن ارتتىرۋعا باعىتتالعان. جانە تەك قازاقستاننان عانا ەمەس, سونداي-اق كورشىلەس ەلدەردەن دە كەلەتىن ساتىپ الۋشىلاردى تارتۋعا مۇمكىندىك بەرەدى.
جوبانى ىسكە اسىرۋ شاعىن جانە ورتا بيزنەستى دامىتۋعا, ينۆەستيتسيا تارتۋعا جانە تاۋار اينالىمىن ۇلعايتۋعا سەرپىن بەرەدى.
تاراپتار قازاقستاندا زاماناۋي كوممەرتسيالىق جوبالاردى, سونىڭ ىشىندە دامىعان لوگيستيكالىق ينفراقۇرىلىممەن قامتىلعان نىسانداردى جۇزەگە اسىرۋ ءۇشىن قولايلى جاعدايلار جاسالعانىن اتاپ ءوتتى. سونداي-اق, ەلدىڭ تۋريستىك الەۋەتى مەن قىتاي, رەسەي جانە ورتالىق ازيا ەلدەرىنە جاقىن ورنالاسۋى قازاقستان نارىعىن اناعۇرلىم تارتىمدى ەتىپ وتىرعانى ايتىلدى.
كەزدەسۋ سوڭىندا قاتىسۋشىلار جوبانى ناقتى ىسكە اسىرۋعا ءازىر ەكەندىكتەرىن ءبىلدىردى.
داميرا تولەگەن
ەۇۋ ستۋدەنتى
