فوتو: الەكساندر پاۆسكي / Kazinform
كەش بارىسىندا ءانشى جۇرگىزۋشىلەر قويعان سۇراقتارعا جاۋاپ بەرىپ, بالالىق شاعىنداعى ەستەلىكتەرىمەن ءبولىسىپ, جاڭا بەينەبايان ءتۇسىرۋ كەزىندەگى قىزىقتى ساتتەرمەن ءبولىستى. سونىمەن قاتار, كورەرمەندەرمەن ينتەللەكتۋالدىق ويىن ويناپ, جەكە ومىرىنە قاتىستى كەيبىر زاتتاردى دا اشىق ايتتى.
شارا اياسىندا «تاۋ ىشىندە» بەينەبايانىنىڭ شىعۋىنا وراي جاريالانعان #TauIshindeChallenge بايقاۋىنىڭ جەڭىمپازدارى ماراپاتتالدى. ەڭ كرەاتيۆتى جانە كورىلىم سانى جوعارى ۆيدەولاردىڭ يەلەرىنە ءانشىنىڭ ەۋروپادا وتەتىن كونتسەرتتەرىنە ارنايى «Golden ticket» تابىستالدى. جۇلدەگەرلەر قاتارىندا استانا قالاسىنداعى №58 مەكتەپتىڭ ديرەكتورى اقمونشاق نۇرتازا مەن چيلي ەلىنىڭ تۇرعىنى اندرەا بار.
كەشتىڭ اسەرلى ساتتەرىنىڭ ءبىرى – قازاقستان جانە كسرو حالىق ءارتىسى بيبىگۇل تولەگەنوۆانىڭ ديماشتى تۋعان كۇنىمەن قۇتتىقتاۋى بولدى. ءانشى اڭىز تۇلعاعا ساحنادا تۇرىپ, قوڭىراۋ شالىپ, اق باتاسىن الدى.
«ديماشپەن وسىنداي جىلى جۇزدەسۋدىڭ كۋاسى بولعانىما قۋانىشتىمىن. ءوزىمنىڭ شىعارماشىلىق جولىمدى باستاۋعا شابىت الدىم », دەيدى كورەرمەن اسىلزات اقىلحان.
داميرا تولەگەن
ەۇۋ ستۋدەنتى
