فوتو: اشىق دەرەككوز
سەسسيا وتىرىسىنا توراعالىق ەتكەن وبلىس اكىمى قۇمار اقساقالوۆ ايماقتا 50-دەن استام ەتنوس وكىلى بەيبىت ءومىر ءسۇرىپ جاتقانىن, ولاردىڭ ارقايسى ءوڭىردىڭ دامۋىنا وزىندىك ۇلەس قوسىپ وتىرعانىن اتاپ ءوتتى.
مىسالى, وڭىردەگى اسسامبلەيا مۇشەلەرى وسى جىلدىڭ وزىندە ەلۋگە جۋىق قايىرىمدىلىق اكتسياسىن وتكىزىپ, وعان 2 ملن تەڭگەدەن استام قارجى جۇمساعان. ءبىلىم مەن مادەنيەت, سپورت سالاسىندا اتقارىلىپ جاتقان يگى جوبالار دا قيساپسىز.
وڭىردە وزگە ۇلت وكىلدەرىنىڭ قازاق ءتىلىن ۇيرەنۋىنە قولايلى ورتا قالىپتاستىرۋعا باعىتتالعان بىرقاتار تىلدىك باستامالار دا ساتىمەن جۇزەگە اسىرىلىپ كەلەدى. مىسالى, «مامىلە: ءسيتۋاتيۆتى قازاق ءتىلى» كلۋبى بەس جىلدان بەرى تۇرعىندارعا اۋىزەكى سويلەۋ ءتىلىن ۇيرەتۋمەن اينالىسادى. كەڭەسكە قاتىسۋشىلارعا اتالعان كلۋبتىڭ جۇمىسى جونىندە قازاق ءتىلىنىڭ مامانى دميتري روماششەنكو ايتىپ بەردى.
ء«بىز قازاق ءتىلىن ۇيرەنۋگە ىقىلاس-نيەت قويعان كەز كەلگەن ادامعا كومەكتەسۋگە دايىنبىز. بۇگىندە وففلاين كلۋبتا ءارتۇرلى جاستاعى, ۇلتى ءار الۋان 42 تىڭداۋشى ءتىل ۇيرەنىپ جاتىر. «مامىلە» كۋرسىنىڭ مازمۇنى تىڭداۋشىلاردىڭ سۇرانىسى بويىنشا جاسالادى. ءبىز زاماناۋي ادىستەمەلەردى, ويىن ەلەمەنتتەرىن, اۋديو جانە بەينەماتەريالداردى قولدانا وتىرىپ, وقىتۋ ۇدەرىسىن قىزىقتى ءارى ءتيىمدى ەتۋگە تىرىسامىز», دەيدى د.روماششەنكو.
قازاق ءتىلىنىڭ مامانى ءتىل ۇيرەتۋ ساباقتارىن ءوزىنىڭ جەكە Tik-Tok اككاۋنتىندا تىكەلەي ەفيردە وتكىزەدى. ءدميتريدىڭ ايتۋىنشا, ءبىر ساباق بارىسىندا ەفيردى ورتا ەسەپپەن ءجۇز وتىز كورەرمەن كورەدى ەكەن.
سەسسيا وتىرىسىنىڭ سوڭىندا وبلىس اكىمى قۇمار اقساقالوۆ جەرگىلىكتى ەتنو-مادەني بىرلەستىكتەردىڭ بەلسەندى مۇشەلەرىنە «قازاقستان حالقى اسسامبلەياسىنا 30 جىل» مەرەيتويلىق مەدالىن تابىس ەتتى.
