فوتو: egemen.kz/ ەرلان ومار
يندەكستىڭ ادىستەمەسى 56 ينديكاتور, ءتورت باعىت بويىنشا جۇرگىزىلەدى: «بالا», «وتباسى جانە قوعام», «مەملەكەتتىك ساياسات» جانە «ەلدىڭ ءال-اۋقاتى». ولار دەنساۋلىق ساقتاۋ, ءبىلىم بەرۋ, الەۋمەتتىك قولداۋ, دامۋعا جاعداي جاساۋ جانە بالا تاربيەلەپ وتىرعان وتباسىلاردىڭ جالپى ءومىر ءسۇرۋ دەڭگەيى سياقتى نەگىزگى سالالاردى قامتيدى.
مينيسترلىك كورسەتكىشتىڭ ءوسۋىن الدىن الۋ جانە اقپاراتتىق ءتۇسىندىرۋ شارالارىنىڭ ارتۋىمەن بايلانىستىرىپ وتىر. ماسەلەن, 2024 جىلدىڭ باسىنان ەلىمىزدىڭ بارلىق مەكتەپتەرىندە بالالاردىڭ قۇقىقتىق ساۋاتتىلىعىن ارتتىرۋ, قۇقىقتىق ديالوگ مادەنيەتىن دامىتۋ جانە قۇقىقتاردى قورعاۋ جۇيەسىنە سەنىمدەرىن نىعايتۋ ماقساتىندا «مەن ءوز قۇقىعىمدى بىلەمىن» اقپاراتتىق ايدارى ىسكە قوسىلعان.
ال الەۋمەتتىك زەرتتەۋلەر ناتيجەسىندە وقۋشىلاردىڭ باسىم بولىگى قۇقىقتارىن بىلەتىنىن جانە ولار بۇزىلعان جاعدايدا قايدا جۇگىنۋ كەرەك ەكەنىن جاقسى تۇسىنەتىنىن كورسەتكەن.
ايتا كەتەيىك, بالالار ءال-اۋقاتى يندەكسى - مەملەكەت باسشىسىنىڭ تاپسىرماسىمەن ءۇش جىل بۇرىن ەنگىزىلگەن ەلدەگى بالا جاعدايىن باعالاۋدىڭ ستراتەگيالىق قۇرالى.
