كەنەسارىنىڭ ەسكەرتكىشى ورنىنا قايتا قويىلعاننان كەيىن ەرلان قارين سول جەرگە بارىپ, ۆيدەو ءتۇسىردى.
– وتكەن جىلى استانادا ەسىلدىڭ جاعاسىندا تۇرعان كەنەسارى حاننىڭ ەسكەرتكىشى جوندەۋ جۇمىستارىنا بايلانىستى ورنىنان الىنعان كەزدە الەۋمەتتىك جەلىدە ءبىراز اڭگىمە بولعان ەدى. قايتا-قايتا تۇسىنىكتەمە بەرگەنىمە قاراماستان, كەيبىر ازاماتتار “كەنەسارىنىڭ ەسكەرتكىشى مۇلدەم الىنىپ تاستالدى” ەندى مۇلدەم ورنىنا قويىلمايدى” دەگەن سياقتى راستالماعان اقپارات تاراتقان بولاتىن. ال شىن مانىسىندە ەسكەرتكىشكە جوندەۋ جۇمىستارى قاجەت بولدى. سوندىقتان ول ورنىنان الىندى, كەرىسىنشە, ونى بۇرىنعىمەن سالىستىرعاندا بيىكتىگىن دە ۇزارتاتىن بولدى. مىنە, بۇگىن سول جوندەۋ جۇمىستارى اياقتالىپ, ەسكەرتكىش ورنىنا قويىلدى, – دەدى ول.
ەسكە سالايىق, استاناداعى ەسىل وزەنىنىڭ جاعاسىندا تۇرعان كەنەسارى حاننىڭ ەسكەرتكىشىن 2023 جىلى ورنىنان الىنعان ەدى.
كەنەسارى حاننىڭ ەسكەرتكىشى – استانانىڭ كورىكتى جەرلەرىنىڭ ءبىرى. بۇل قازاقستانداعى ەڭ كەرەمەت ات سپورتى ەسكەرتكىشتەرىنىڭ ءبىرى بولىپ سانالادى, ول ازاماتتاردىڭ عانا ەمەس, تۋريستەردىڭ دە تاڭدانىسىن تۋدىردى. ءمۇسىنشى نۇرلان دالباي مەن ساۋلەتشى شوتا ءۋاليحانوۆ جاساعان ءمۇسىن – گرانيت تۇعىرعا ورناتىلعان ات ۇستىندەگى حاننىڭ قولا ءمۇسىنى.
