بۇل جولى باستى نازار جابىرلەنۋشى تاراپ پەن ايىپتالۋشىلاردىڭ بەتتەستىرۋ ساتىندەگى بەينەماتەريالدارعا اۋدارىلدى. اتالعان بەينەجازبالار ءىستىڭ ءمان-جايىن ناقتىلاۋعا مۇمكىندىك بەردى.
سوت وتىرىسى بارىسىندا مارقۇم شەرزاتتىڭ دەنەسىنە جاسالعان سوت-مەديتسينالىق ساراپتاما قورىتىندىسى دا تىڭدالدى. ساراپشى تاحير قالينازاروۆتىڭ ايتۋىنشا, ءجاسوسپىرىمنىڭ سول جاق ارقا تۇسىنا ۇزىندىعى 12 سانتيمەتر, ەنى 2 سانتيمەتر بولاتىن وتكىر, سۇعىلمالى-كەسىلمەلى جاراقات سالىنعان. بۇل اۋىر جاراقات سالدارىنان كەۋدە قۋىسىنا ءبىر جارىم ليترگە جۋىق قان جينالىپ, قايعىلى جاعدايمەن اياقتالعان.
مارقۇمنىڭ جاقىندارى مەن قوعام بەلسەندىلەرى ءادىل شەشىم شىعۋىن تالاپ ەتىپ وتىر. بۇل ءىس جۇرتشىلىقتى بەي-جاي قالدىرعان جوق — جاس ءومىردىڭ قيىلۋى قوعامدا تەرەڭ وي سالۋدا. كەلەسى سوت وتىرىسىندا قوسىمشا ايعاقتار مەن كۋاگەرلەر تىڭدالۋى كۇتىلۋدە.
قوعام ادىلەتتىڭ ورناۋىن كۇتۋدە.
