فوتو: primeminister.kz
تاراپتار مۇناي-گاز سالاسىنداعى ەكىجاقتى ىنتىماقتاستىقتىڭ قازىرگى مارتەبەسى مەن كەلەشەگىن تالقىلادى.
رومان سكليار بارلىق نەگىزگى باعىت بويىنشا قازاقستان مەن قىتاي, ونىڭ ىشىندە CNPC اراسىنداعى ءوزارا ءىس-قيمىلدىڭ سەرپىندى دامۋىن اتاپ ءوتتى.
كەلىسسوزدەر بارىسىندا مۇناي وڭدەۋ نىساندارىن جاڭعىرتۋدى, بىرلەسكەن جەر قويناۋىن پايدالانۋدى دامىتۋدى, كاسىپورىنداردا الەۋمەتتىك تۇراقتىلىقتى قامتاماسىز ەتۋدى, مۇناي حيمياسى سالاسىنداعى بىرلەسكەن باستامالاردى ىلگەرىلەتۋدى, سونداي-اق ەنەرگيا رەسۋرستارىن تۇراقتى جەتكىزۋ شارالارىن قامتاماسىز ەتۋدى قوسا العاندا, قازاقستان اۋماعىندا بىرلەسكەن جوبالاردى ىسكە اسىرۋ ماسەلەلەرىنە ەرەكشە نازار اۋدارىلدى.
حوۋ تسيتسزيۋن قازاقستان تاراپىنا اشىق ءارى سىندارلى ديالوگ ءۇشىن العىسىن ءبىلدىرىپ, CNPC-ءدىڭ وزىق تەحنولوگيالاردى ەنگىزۋگە جانە ءوزارا ءتيىمدى جوبالاردى ىسكە اسىرۋعا باعىتتالعان تىعىز ىنتىماقتاستىقتى جالعاستىرۋعا دايىندىعىن اتاپ ءوتتى.
كەزدەسۋ قورىتىندىسى بويىنشا تاراپتار قازاق-قىتاي ۇكىمەتارالىق كوميسسياسى, سونداي-اق ء«بىر بەلدەۋ – ءبىر جول» باستاماسى شەڭبەرىندەگى ىنتىماقتاستىقتى ودان ءارى تەرەڭدەتۋگە مۇددەلى ەكەنىن جەتكىزدى.
