فوتو: سۋ رەسۋرستارى جانە يرريگاتسيا مينيسترلىگى
ەسكە سالايىق, جاڭا سۋ كودەكسىنە مەملەكەت باسشىسى بيىل 9 ساۋىردە قول قويعان ەدى. ايتا كەتەيىك, اتالعان قۇجات 10 ماۋسىمدا كۇشىنە ەنەدى.
اتالعان شارا ديقانداردى سۋارمالى سۋمەن قامتاماسىز ەتۋدى جاقسارتۋعا باعىتتالعان.
سالا مينيسترلىگىنىڭ مالىمەتىنشە, ەرىگەن قار سۋىن جيناۋعا ارنالعان گيدروتەحنيكالىق قۇرىلىمدار قاۋىپسىزدىك تالاپتارىنا سايكەس بولىپ, وزەن-كولدەرمەن جانە باسقا دا سۋ نىساندارىمەن بايلانىسپاۋى كەرەك ءارى قورشاعان ورتاعا زيان كەلتىرمەۋى قاجەت. قۇرىلىس اياقتالعاننان كەيىن باسسەيندىك سۋ ينسپەكتسياسىنا حاباردار ەتىلىپ, نىسان ارنايى تىزىمگە ەنگىزىلىپ وتىرادى.
«جاڭا سۋ كودەكسى قازاقستانداعى سۋ سالاسىنىڭ بارلىق باعىتتارىن قامتيدى. ونىڭ باستى مىندەتتەرى – سۋ ۇنەمدەۋ جونىندەگى جالپىۇلتتىق ساياساتتى قالىپتاستىرۋ جانە دامىتۋ, ەلدى مەكەندەردە سۋمەن جابدىقتاۋ جانە سۋ بۇرۋدى رەتتەۋ, بالاما سۋ كوزدەرىن (جاڭبىر جانە ەرىگەن قار سۋلارى, تازارتىلعان اعىن سۋلار, تۇششىتىلعان تۇزدى سۋلار) پايدالانۋ, سونداي-اق سۋ رەسۋرستارىن قورعاۋ مەن ءتيىمدى پايدالانۋ دەڭگەيىن ارتتىرۋ», دەدى سۋ ساياساتى دەپارتامەنتىنىڭ ديرەكتورى سەرىكجان بەكەتاەۆ.
