فوتو: اۋىل شارۋاشىلىعى مينيسترلىگى
بولجام بويىنشا, 2025 جىلى شەگىرتكەلەردىڭ تارالۋ اۋماعى 2,1 ملن گەكتاردى قۇرايدى. بۇل كورسەتكىش وتكەن جىلمەن سالىستىرعاندا 1 ملن گەكتارعا از.
ايتا كەتەيىك, شەگىرتكەنىڭ ەڭ كوپ تارالۋى قوستاناي, اقتوبە, تۇركىستان جانە باتىس قازاقستان وبلىستارىندا بولادى. مونيتورينگ پەن وڭدەۋ شارالارىنا 4 625 ادام تارتىلعان. جالپى العاندا, زيانكەستەرمەن كۇرەسكە 443 بىرلىك ارنايى تەحنيكا جۇمىلدىرىلادى.
«22 مامىرعا دەيىن 2,8 ملن گەكتار جەر تەكسەرىلىپ, ونىڭ 498 مىڭ گەكتارى شەگىرتكە وتكەن اۋماقتار انىقتالدى جانە ولاردى وڭدەۋ جۇمىستارى جۇرگىزىلۋدە. قازىرگى تاڭدا 14 وڭىردە 464 مىڭ گەكتار جەردە شەگىرتكەگە قارسى كۇرەس شارالارى اتقارىلدى. ماسەلەن, تۇركىستان وبلىسىندا ماروككو شەگىرتكەسىنە قارسى وڭدەۋ جۇمىستارى اياقتالۋعا جاقىن, تازالاۋ شارالارى جالعاسۋدا. جامبىل وبلىسىندا نەگىزگى وڭدەۋلەر اياقتالعان, يتالياندىق پرۋسقا قارسى جۇمىستار جالعاسىپ جاتىر», دەلىنگەن حابارلامادا.
يتالياندىق پرۋسقا قارسى حيميالىق وڭدەۋ اقمولا, اقتوبە, الماتى, اتىراۋ, شىعىس قازاقستان, باتىس قازاقستان, قاراعاندى, قوستاناي, قىزىلوردا وبلىستارىندا, سونداي-اق اباي, جەتىسۋ جانە ۇلىتاۋ وبلىستارىندا جۇرگىزىلىپ جاتىر.
