فوتو: قورعانىس مينيسترلىگى
جيىنعا قورعانىس مينيسترلىگى, باس شتاب, قارۋلى كۇشتەر تۇرلەرى مەن وڭىرلىك قولباسشىلىق اسكەرلەرىنىڭ باسشىلىق قۇرامى, سونداي-اق اسكەري وقۋ ورىندارىنىڭ وكىلدەرى قاتىستى.
مينيستر قازىرگى گەوساياسي جاعداي مەن شەتەلدىك ارميالاردىڭ تاجىريبەسىن ەسكەرە وتىرىپ, قازاقستان ارمياسىن دايارلاۋداعى جاڭا باسىمدىقتاردى اتاپ ءوتتى. سونىمەن قاتار, قورعانىس ءمينيسترىنىڭ ءبىرىنشى ورىنباسارى – باس شتاب باستىعى گەنەرال-لەيتەنانت سۇلتان قامالەتدينوۆ جاۋىنگەرلىك جانە جۇمىلدىرۋ دايىندىعىنىڭ جاي-كۇيى جونىندە بايانداما جاسادى.
ال تاربيە جانە يدەولوگيالىق جۇمىس جونىندەگى ورىنباسارى گەنەرال-مايور شايح-حاسان جازىقباەۆ اسكەري ءتارتىپ پەن قۇقىقتىق احۋال بويىنشا اقپارات بەردى. جيىندا جۇمىلدىرۋ رەزەرۆىن كۇشەيتۋ, اسكەري مىندەتتىلەردىڭ جيىندارىن جوسپارلاۋ, قۇقىق بۇزۋشىلىقتارعا جول بەرمەۋ, قاتاڭ جارعىلىق ءتارتىپتى ساقتاۋ سىندى ماسەلەلەر قوزعالدى.
القا وتىرىسىن قورىتىندىلاعان قورعانىس ءمينيسترى كوماندالىق قۇرامعا بىرقاتار باسىم مىندەتتەر قويدى. ولاردىڭ قاتارىندا تاكتيكالىق بارلاۋ مىندەتتەرىن پىسىقتاي وتىرىپ, ۇشقىشسىز ۇشۋ اپپاراتتارى وپەراتورلارىن دايارلاۋ, جاۋىنگەرلىك جانە ارنايى دايارلىق بويىنشا پراكتيكالىق ساباقتاردى ۇيىمداستىرۋ, ينجەنەرلىك-ساپەرلىك بولىمشەلەردى دايارلاۋ, قاۋىپسىزدىك شارالارىن كۇشەيتۋ, قارۋمەن جۇمىس ىستەۋ جونىندەگى تالاپتاردى ساقتاۋ جانە ت. ب. تاپسىرمالار بار.
