فوتو: اشىق دەرەككوز
دەپۋتاتتىڭ ايتۋىنشا, اگروونەركاسىپتىك كەشەننىڭ تۇراقتى دامۋى ءتيىمدى قارجىلاندىرۋ جۇيەسىنە تىكەلەي بايلانىستى. الايدا قازىرگى تاڭدا شارۋالار كەپىلزاتتىڭ جەتىسپەۋى, پايىزدىق مولشەرلەمەنىڭ جوعارى بولۋى جانە مەملەكەت تاراپىنان بەرىلەتىن سۋبسيديانىڭ كەشىگۋى سياقتى قيىندىقتارعا كەزىگىپ وتىر.
رەسمي دەرەكتەرگە سۇيەنسەك, بيىلعى جىلدىڭ باسىندا مەملەكەت تاراپىنان تولەنبەي تۇرعان سۋبسيديا كولەمى 350 ملرد تەڭگەگە جەتكەن. ال 2019 جىلى بۇل كورسەتكىش 36 ملرد تەڭگە بولعان. قارىزدىڭ ەداۋىر بولىگى ينۆەستيتسيالىق جوبالار بويىنشا پايىزدىق مولشەرلەمەنى سۋبسيديالاۋعا تيەسىلى. قازىرگى تاڭدا مەملەكەت 2035 جىلعا دەيىنگى ارالىقتا بۇل مىندەتتەمەلەردى ورىنداۋعا ۋادە بەرگەن.
«ەگەر بيۋدجەتتە قارجى قاراستىرىلماسا, فەرمەرلەر نەسيەنى 22-24 پايىزدىق مولشەرلەمەمەن وزدەرى تولەۋگە ءماجبۇر. بۇل – كەز كەلگەن بيزنەس-جوسپارعا ايتارلىقتاي سالماق», دەدى دەپۋتات.
سونىمەن قاتار, «دامۋ» قورى ارقىلى بەرىلەتىن سۋبسيديالاردىڭ دا كەشىگىپ جاتقانىن اتاپ ءوتتى. كاسىپكەرلەر قاراجاتتى بىرنەشە اي بويى كۇتۋگە ءماجبۇر. بۇل ءوز كەزەگىندە بيزنەستىڭ قارجىلىق جاعدايىن السىرەتەدى.
وسى ورايدا دەپۋتات بىرنەشە ۇسىنىس ايتتى:
- قارجى ۇيىمدارى مەن كاسىپكەرلەردىڭ وبليگاتسيالارىنداعى كۋپوندىق سىياقىنى سۋبسيديالاۋ;
- نەسيە بەرۋشى ۇيىمداردى كەڭەيتۋ ماقساتىندا ەكىنشى دەڭگەيلى بانكتەر مەن نەسيەلىك سەرىكتەستىكتەردى تارتۋ;
- فەرمەرلەرگە قارجىلاندىرۋ كوزدەرىن تاڭداۋعا مۇمكىندىك بەرۋ ءۇشىن تسيفرلىق قۇرالداردى ەنگىزۋ.
سونداي-اق, رۋسلان قوجاسباەۆ ۇكىمەتتەن سۋبسيديالاۋ جۇيەسىن تۇراقتاندىرۋ, پايىزدىق مولشەرلەمەنى تومەندەتۋ, كەپىل ماسەلەسىن شەشۋ جانە اگروسەكتورداعى قارجىلىق تاۋەكەلدەردى ازايتۋعا باعىتتالعان ناقتى شارالار قابىلداۋدى سۇرادى.
ارايلىم مىرزاحان,
ەۇۋ 2 كۋرس ستۋدەنتى
