فوتو: سۋ رەسۋرستارى جانە يرريگاتسيا مينيسترلىگى
اتالعان قۇجاتتا نەگىزگى وزەندەردىڭ سۋ مولشەرى, سۋ شارۋاشىلىعى مەن گيدروتەحنيكالىق قۇرىلىستاردىڭ, ونىڭ ىشىندە مەملەكەتارالىق قۇرىلىستاردىڭ جاعدايى, ت.ب. تۋرالى ماعلۇماتتار كورسەتىلەدى.
سالا مينيسترلىگىنىڭ ءباسپاسوز قىزمەتىنىڭ مالىمدەۋىنشە, سونداي-اق قۇجاتتا سۋ قورىن قورعاۋ بويىنشا اتقارىلىپ جاتقان شارالار, ينۆەستيتسيالىق جوبالاردى ىسكە اسىرۋ جانە زاماناۋي تەحنولوگيالاردى ەنگىزۋ تۋرالى اقپاراتتار باياندالعان.
«ورتالىق مەملەكەتتىك جانە جەرگىلىكتى اتقارۋشى ورگاندار ەسەپ بەرۋ ءۇشىن اقپاراتتى ەسەپتى جىلدان كەيىنگى جىلدىڭ 1 ناۋرىزىنان كەشىكتىرمەي ۇسىنۋعا مىندەتتى. ۇلتتىق ەسەپتىڭ ءوزى 1 مامىردان كەشىكتىرىلمەي جاريالانادى. بۇل قازاقستانداعى سۋ رەسۋرستارىن باسقارۋ مەن پايدالانۋدىڭ اشىقتىعىن قامتاماسىز ەتۋگە ءتيىس. سۋ كودەكسىنىڭ ءوزى بيىل 10 ماۋسىمدا كۇشىنە ەنەدى. سوندىقتان ءبىز بۇل ەسەپتى 2026 جىلدان باستاپ جاريالاي باستايمىز», دەدى سۋ ساياساتى دەپارتامەنتىنىڭ ديرەكتورى سەرىكجان بەكەتاەۆ.
