فوتو: قوستاناي وبلىسى پد
وبلىستىق پوليتسيا دەپارتامەنتىنىڭ مالىمەتىنشە, Ford Transit ماركالى اۆتوكولىكتىڭ جۇرگىزۋشىسى شەتەلدەن كەلگەن 10 جولاۋشىنى تاسىمالداپ كەلە جاتىپ, DAF جۇك كولىگىمەن سوقتىعىسقان. جول اپاتى سالدارىنان التى ادام وقيعا ورنىندا كوز جۇمعان. تاعى بەس ادام ءتۇرلى جاراقاتپەن قارابالىق اۋداندىق اۋرۋحاناسىنا جەتكىزىلگەن.
اتالعان فاكتى بويىنشا سوتقا دەيىنگى تەرگەۋ امالدارى باستالعان. قازىر وقيعا ورنىندا تەرگەۋ توبى جۇمىس ىستەپ جاتىر.
«پوليتسيا قىزمەتكەرلەرى جۇرگىزۋشىلەردى جول قوزعالىسى ەرەجەلەرىن ساقتاۋعا شاقىرادى. كولىك جۇرگىزۋ كەزىندە ساق بولىڭىز, جىلدامدىقتى شەكتەن اسىرماڭىز جانە ارقاشان ورىندايتىن مانەۆرلەردىڭ قاۋىپسىزدىگىن باعالاڭىز», دەلىنگەن حابارلامادا.
