شىعارماشىلىق كەشتە «القا» ادەبي بىرلەستىگىنىڭ مۇشەلەرى اقىننىڭ شىعارماشىلىعىنان كورىنىس قويدى. ول «جەڭىس پەن جەڭىلىس اريفمەتيكاسى» دەپ اتالدى. كلۋب مۇشەلەرى فيلولوگيا فاكۋلتەتىنىڭ جاس ستۋدەنت ونەرپازدارى. قويىلىمدا اقىننىڭ ادىلدىك جولىنداعى كۇرەسكەرلىك ءومىرداستانى كورسەتىلدى.
كەيىن كورەرمەنگە بەينەبايان ۇسىنىلىپ, اقىننىڭ ستۋدەنت شاعىندا جازعان شىعارمالارىنىڭ قولجازبالارى, مۇراعاتتا ساقتالىپ قالعان قىزىقتى دۇنيەلەرى تانىستىرىلدى. جۇرتشىلىق اقىن ءومىرىنىڭ وسى كۇنگە دەيىن بىلمەي كەلگەن قىزىقتى تۇستارىنىڭ كۋاسى بولدى. تالاي رەسپۋبليكالىق اقىندار ايتىسىندا توپ جارىپ جۇرگەن ايتىسكەر اقىن دانيال بولىسبەك مۇحتار اتامىزعا ارناۋ ارناپ جىردان سۇلۋ سوزدەر كەستەلەدى.
سونىمەن بىرگە جالىندى جاستار اقىننىڭ سوزىنە جازىلعان تانىمال اندەردى شىرقادى. ودان بولەك قالامگەردىڭ ەڭبەكتەرىنە ارنالعان كىتاپ كورمەسى ۇيىمداستىرىلدى.
شىعارماشىلىق كەشتە اقىننىڭ جۇبايى قانشايىم شاحانوۆا ءسوز الىپ, كونتسەرت پەن كەزدەسۋ ۇيىمداستىرىپ بەرگەن جاندارعا العىس پەن ريزاشىلىق سەزىمىن ءبىلدىردى.
سونداي-اق ادەبيەت سىنشىسى پروفەسسور قۇلبەك ەرگوبەك ءوز بايانداماسىندا شاحانوۆتى «ادامزاتتىڭ بيىگىندەگى اقىن» دەپ اتادى.
كەش سوڭىندا رۋحتى قالامگەر جينالعان كوپشىلىككە ءوزىنىڭ ولەڭدەرىن وقىدى. جاستارعا ساليقالى ءسوز بەن وسيەتىن ارناپ اق باتاسىن بەردى. اقىن بۇگىنگى جاس ۇرپاقتى تەرەڭ ءبىلىم الۋعا, قاجىماي ەڭبەك ەتۋگە ءوز ەلىن سۇيەتىن شىنايى پاتريوت بولۋعا شاقىردى.
ايتا كەتەيىك شىعارماشىلىق كەشتى جانىبەكوۆ ۋنيۆەرسيتەتىنىڭ باسقارما توراعاسى-رەكتور مىندەتىن اتقارۋشى گۇلجان سۇگىرباەۆا جۇرگىزدى.
شىمكەنت
